R76 · Kjernefag, vgs · 1992 (6. utgåve), s. 359 (skann 361)

Framandspråk 359 - arbeidsbok eller øvingsopplegg med eit rikeleg utval av systematiske øvingar - munnlege og skriftlege. Det er ønskjeleg at delar av øvingsopplegget så langt det er mogleg er sjølvinstruerande. — systematisk grammatikk (eventuelt som eige hefte) til støtte for elevane sitt sjølvstendige arbeid med stoffet. - ordlister. I tilrettelagt lærestoff bør ordlistene vere tospråklege der det er nødvendig å gi elevane ei klar forståing av ord og uttrykk. - inntaling på lydband/kassett av eit rikeleg tekstutval (bl.a. dialogar) til lytteøving og munnleg øving. Tekstane bør vere inntalte av personar som har dette språket som morsmål. - visuelt materiell i form av illustrasjonar og eventuelt dias, transparentar, video og dataprogram. - rettleiingshefte for læraren. Lærebøkene for begynnarundervisninga bør innehalde stoff for ca. to års opplæring. Innhaldet bør passe for alderssteget og interessene til elevane. Grunnkurs i A- og B-språk og 3. året C-språk Til desse kursa vil ein måtte hente stoff frå ulike kjelder: — tekstantologiar med ordlister og eventuelt arbeidsbok og lærarrettleiing - grammatikk, arbeidsgrammatikk - skjønnlitteratur (eventuelt i tilpassa form og med ordlister) — faglitteratur — materiell frå undervisningsradioen og fjernsynet - tilleggsmaterial i form av emnehefte, stoff frå aviser, tidsskrifter, ungdomsblad eller anna autentisk materiale som t.d. brosjyrar - innspelt stoff på lydband/kassett med og utan tekstar, t.d. skjønnlitteratur og spesielt materiell til å øve opp taleforståinga - bilete og teikningar, dias, film, video- og dataprogram - ordbøker, oppslagsbøker osv. - oppgåvehefte med fasit til individuelt arbeid OMFANGET AV ARBEIDSSTOFFET I DEI ULIKE SPRÅKFAGA ENGELSK Engelsk (grunnkurs i A-språk) 5 timar Rammene for kurset legg tilhøva godt til rette for temalesing. Ei slik temalesing kan vere med på å halde på elevane sin motivasjon og stimulere dei til å gå vidare med faget. Arbeidsstoffet skal både eigne seg til planmessig språkopplæring, gi fagkunnskap og ei positiv tekstoppleving. Tekstane må ha ein rimeleg vanskegrad og god språkleg progresjon.

R76 · Kjernefag, vgs · 1992 (6. utgåve) s. 359 skann 361

Siter