R76 · Kjernefag, vgs · 1992 (6. utgåve), s. 338 (skann 340)

Norsk og kommunikasjon som førstespråk med samisk andrespråk i VK II 338 4. ARBEIDSMÅTAR 4.1 . Arbeidet med faget Faget norsk og kommunikasjon bør i stor mon vere knytt til elevane sin eigen livssituasjon. Arbeidsoppgåvene og arbeidsmåtane gjer faget holdningsskapande. Derfor vil sjølve læringsprosessen stå sentralt i dette faget. Elevane må sjølve venje seg til å planleggje arbeidsoppgåvene sine og ta ansvaret for si eiga læring. Det er viktig at dei får høve til å samarbeide om løysing av dei ymse arbeidsoppgåvene i faget. Arbeidsoppgåvene må ta sikte mot - å utvikle elevane sine evner til sjølvstendig, kritisk og sakleg vurdering, til toleranse og samarbeidsvilje - å utvikle elevane sine interesser for aktuelle problemområde - å gi elevane opplæring i sunne og effektive arbeidsvanar - å gi elevane høve til å tileigne seg større forståing for og innsikt i problem og situasjonar som for dei er meiningsfylte 4.2. Arbeidsformer 4.2.1. Slik skolen si generelle målsetjing er, og slik målet for faget er formulert, bør elevane m.a. få opplæring i å arbeide i grupper. I den mon det er mogleg, bør elevane få høve til å praktisere metoden. Klassen kan t.d. få ansvaret for å arrangere ein konferanse om eit bestemt tema med foredragshaldar utafrå (eller ein kan nytte skolen sine lærarar). Eit slikt arrangement vil og kunne ha interesse for andre fag (t.d. organisasjonslære og marknadsføring), og elevane vil få trening i møteleiing, diskusjonsteknikk osv. som høyrer naturleg inn under slikt arrangement. 4.2.2. Frie munnlege aktivitetar vil vere viktige delar av opplæringa i faget. Til dømes: - orienteringar og stoffgjennomgåing - spørsmål og svar - samtalar og ordskifte 4.2.3. Munnlege framføringar av case-løysingar eller elevforedrag, gjerne med andre elevar som opponentar med det føremålet å hjelpe elevane til: - å f å tru på seg sjølve for å fungere i arbeidslivet seinare - ein klar og sikker uttale - ei klar, sakleg framføring av stoffet dokumentasjon

R76 · Kjernefag, vgs · 1992 (6. utgåve) s. 338 skann 340

Siter