R76 · Kjernefag, vgs · 1985 (4. utgåve), s. 141 (skann 145)

141 Tilboda når det gjeld å lese tekstar i tillegg til stoffet i begynnarbøkene, varierer alt etter forholda i klassen og etter dei lærebøkene som blir brukte Grunnkurs i B-språk Her bør elevane i alt lese ca. 150 sider over to år med om lag halvparten kvart år. I 2-årig grunnkurs med fire timar bør dei lese ca. 75 sider. Arbeidsstoffet skal innehalde både skjønnlitteratur og sakprosa. Av arbeidsstoffet bør minst ein tredel og maksimum halvparten vere sakprosa. Dei skjønnlitterære tekstane bør omfatte både prosa og poesi og bør vesentleg vere frå det 20. hundreåret. Elevane bør lese tekstar frå heile det tysktalande området. Russisk Grunnkurs i C-språk (begynnarsteget) I grunnkurs på 4+3 timar i 1. og 2. året bør det aktive ordforrådet liggje på 800-1300 ord. I grunnkurs på 5+5 timar i 2. og 3. året bør det aktive ordforrådet liggje på 1000-1500 ord. I kurs på 5+5 timar bør elevane lese ein del tekstar i tillegg til det stoffet som begynnarbøkene inneheld, ca. 20—30 sider. Kor mye elevane kan lese i tillegg til begynnarbøkene, vil variere alt etter nivået i klassen og etter kva lærebøker dei bruker. Finsk Grunnkurs i C-språk (begynnarsteget) I grunnkurset på 5+5 timar i 2. og 3. året bør det aktive ordforrådet liggje på 1000-1500 ord. I grunnkurset på 4+3 timar bør ordforrådet liggje tilsvarande lågare. I tilknyting til det stoffet den eigenlege begynnarboka inneheld, er det ønskjeleg at elevane les frittståande tekstar med om lag same vanskegraden som det stoffet dei arbeider med i begynnarboka. Talet på sider er avhengig av kva læraren kan finne av høvelege tekstar, og av forholda i klassen. Grunnkurs i B-språk Her bør elevane i alt lese ca. 80 sider over to år med om lag halvparten kvart år. Det ekstensive stoffet er vesentleg sett saman av sakprosatekstar, som er tilpassa progresjonen i det intensive stoffet. Det same gjeld også dei skjønnlitterære tekstane som ein ønskjer å bruke. Ein del av både dei intensive og dei ekstensive tekstane bør kaste lys over dagleglivet, kulturen, historia og samfunnsforholda i Finland.

R76 · Kjernefag, vgs · 1985 (4. utgåve) s. 141 skann 145

Siter