R76 · Kjernefag, vgs · 1985 (4. utgåve), s. 138 (skann 142)

138 stoff med ein systematisk progresjon. I dei andre grunnkursa vil det vere nødvendig å setje saman arbeidsstoff fra ulike kjelder, og det må gradvis få eit vidare og meir variert innhald. Eit hovudkrav til arbeidsstoffet også i desse kursa er at det må innehalde element som gjev grunnlag for ei mest mogeleg systematisk språkopplæring. Arbeidsstoffet skal ha eit slikt innhald at det fremjar den personlege utviklinga til elevane og evna til å vere sakleg og tolerant. Det må derfor samla gje ei mest mogeleg objektiv framstilling av dei emna som blir tekne opp. Kravet til objektivitet må likevel ikkje hindre at det bUr arbeidd med stoff som er kontroversielt, eller som gjev uttrykk for eit bestemt syn på ei sak. I slike tilfelle må ein likevel ved hjelp av anna stoff syte for at saka blir framstilt frå meir enn ei side. Det er viktig at arbeidsstoffet kjem interessene til kvar elev i mote, og at det er tilpassa evnene og dei faglege føresetnadene til den enkelte. I ein del språkkurs, t.d. i 2-årige grunnkurs, skal ein knyte noko av arbeidsstoffet til yrkesopplæringa av elevane. Arbeidsstoffet må for kvart årskurs vere bygd opp slik at det utgjer ein viss avrunda heilskap. Det er viktig å velje stoff der vanskegraden er overkomeleg for elevane og med ein rimeleg språkleg progresjon. Læraren må sjå til at det blir bra samanheng mellom det stoffet elevane har brukt i grunnskolen, og det dei skal bruke i den vidaregåande skolen. Arbeidsstoffet må gje elevane kjennskap til dagleglivet og samfunnsog kulturforholda i vedkomande språkområde. For alle dei framandspråka som blir lesne i den vidaregåande skolen, er dette området stort. Sjølv om heile området kan ha krav på interesse, vil det av praktiske grunnar i dei fleste tilfelle vere nødvendig å leggje hovudvekta på land som kulturelt og språkleg må reknast for å vere dei viktigaste. Læraren må ut frå målet med undervisninga og forholda i klassen avgjere korleis ein eventuelt skal avgrense stoffet Arbeidsstoffet må førast å jour, slik at det gjev mest mogeleg korrekt informasjon om dei emna som blir tekne opp. Utvalet av arbeidsstoff for samisk Ein må rekne med eit variert elevgrunnlag ved begynnarundervisning i samisk som framandspråk, med samiske og ikkje-samiske elevar, der somme har eit visst kjennskap til samisk, medan andre er heilt ukjende med språket. I begynnarkurset må ein derfor i særleg grad ta omsyn til krav som kvar enkelt elev stiller til undervisninga. For at dette skal vere mogeleg, må ein ha undervisningsmateriell som er tilpassa dei ulike behova. Det som blir lese, må ha variert innhald. I tekstutvalet bør det vere både folkeminnetekstar, skjønnlitteratur, sakprosa og poesi. Joiketekstar bør ein kunne lese i tilknyting til orientering om joiken som ei integrert musikalsk-litterær uttrykksform, etter at ein har gjort det klart for elevane kva for sosial funksjon joiken har.

R76 · Kjernefag, vgs · 1985 (4. utgåve) s. 138 skann 142

Siter