Mønsterplanen 1987 · samiske fagplaner 1989, s. 97 (skann 99)

bargobiergasat, bures dikšojuvvon ruoktu ja jierpmálaš rumašgeavaheapmi lasihit bargomovtta. Oahpahusa ulbmil nuoraiddásis galgá leat oahppi iežas boahttevaš ruoktu. Lea dehálaš oahppat veardidit viessogálvvuid ja veahkebiergasiid geavaheami, kvalitehta, hámi ja dikšuma ektui, ja maiddái dan ektui movt liiko gálvvuide ja biergasiidda. Dás berre čujuhuvvot maid hápmi, olggoš ja ivdni mearkkaša dikšumii ja ortnegiidoallamii. Oahppit galget oahppat árvvoštallat mii váikkuha bargomearrái ja barggu lossatvuhtii. Ollo sápmelaš ruovttuin leat barggut nugo mánggalágán duojit, njuovvamat jnv. Dállooahpus galgá ohppiide oahpahit movt dálu sáhttá plánet ja ordnet, nu ahte dat šaddá nu praktihkkalaš go vejolaš sihke ruoktun ja bargosadjin. Erenoamaš deahálaš lea oahpahit seastit energia galbma guovlluin, gos rávdnjeja liggengolut leat stuorrát. Go oahppit besset vuođđoskuvllas, galget sis leat doarvái dieđut, nu ahte máhttet birra bassat, ja sii galget áicat goas dasa lea dárbu. Veahkkeváriid hálddašeapmi, nuoskideapmi, sihkarvuohta dálus ja mánnáustitlaš olgobirrasat gieđahallojuvvojit eará fágaid aktivitehtaid oktavuođas. 4.–6. luohkká Ruovttu viessogálvvut ja biergasat. Viesut ja ássanvuogit iežas ja eará kultuvrrain: Dálkkiid váikkuhusat, ekonomalaš ja kultuvrralaš dilli. Ruovttu čorgen ja ortnegisdoallan: Iežas biktasat, ruovttu tekstiillat. Čorgen ja buhtisteapmi. Barggut ruovttus. Gárvodeamit: Sámi biktasat. Ođđaáigásaš biktasat. Veardidit ođđaáigásašbiktasiid. Sávaldagat ja dárbbut. Nuoskideapmi ja ruskkaid bálkun: Ruskkat, duolvvideapmi, hádja- ja áibmonuoskideapmi, čáhcenuoskideapmi ja jietnanuoskideapmi. Ruovttu lihkohisvuođat: Eastádeapmi ja vuosttasveahkki. Praktihkkalaš barggut: Bassaladdan, álkis bivttasdikšun, viessogálvvut ja biergasat. Rásiid divššodeapmi olgun ja siste. Lávu ceggen ja durgen. 7.–9. luohkká Viessogálvvuid heivehit vissui: Heiveheapmi sierralágán geavaheaddjijoavkkuide, ávdnasat, kvalitehta, hápmi ja haddi. Stobut ja ássanvuogit: Háhkan, ruhtadeapmi ja ássangolut, buorre stobu gáibádusat, energia seastin, geasse-ja dálvestobut, áiti ja eará olgovisttit, šillju dikšun. Mánnáustitlaš olgobiras. Gárvodeapmi: Sámi biktasat dolin ja dál. Ođđaáigásašbiktasat ja reklama. Ođđaáigásašbiktasiid veardideapmi. Sávaldagat ja dárbbut. Ruovttu čorget ja ortnegis doallat: Beaivválaš ortnegisdoallan, dávviriid fuolaheapmi, beaivválaš ja stuorat čorgemat ja divvumat. Náhkkegárvvuid ja gávttiid dikšun. Čemikalalaš dállodoallogaskaoamit: Doaibmanvuogit ja geavaheapmi, merken ja vurken, vahátlaš váikkuhusat olbmuide ja birrasii. Nuoskideapmi ja duolvvideapmi: Radioktiivalaš nuoskideapmi, suvra arvi/muohta. Nuoskideapmi lossa metallaid geažil. Váikkuhusat olbmuide ja birrasii. 97

Mønsterplanen 1987 · samiske fagplaner 1989 s. 97 skann 99

Siter