Mønsterplanen 1987 · samiske fagplaner 1989, s. 98 (skann 100)

Ruovttu lihkohisvuođat: Sihkarastin, ortnet ja biergasat. Praktihkkalaš barggut: Cegget ja ordnet lávu dahje goađi. Čorgen ja buhtisteapmi ruovttus ja skuvllas. Sierralágán tekstiillaid, viessogálvvuid, láhtteránuid ja eará biergasiid dikšun ja ortnegisdoallan. Sadjit niibbuid, skieraid, jiehkuid j. ea. Molsut sikringaid, čuovgapearaid jna. Dikšut šattuid olgun ja siste. GEAVAHEAPMI JA DÁLLODOALLU Oassebargu galgá addit ohppiide vuođu, nu ahte sii sáhttet jierpmalaččat árvvoštallat dávvirfálaldagaid ja hatti ja kvalitehta gaskavuođa. Galgá maiddái deattuhit ahte oahppit dovdát iežaset ruhtadoalu ja bearraša ja servvodaga ruhtadoalu. Dasa lassin galget oahppit ipmirdit maid vuođđoealáhusat nu go guolásteapmi, eanadoallu, boazodoallu ja meahccebivdu mearkkašit sihke bearraša ja servvodaga ruhtadollui. Árvvuid gudnejahttima galgá hárjehit árrat, ja lea deahálaš earuhit doaivagiid ja duođalaš dárbuid. Dadi mielde go lohkandáidu ja ruhtaipmárdus buorrána, galgá hárjehallagoahtit ipmirdit ja geavahit ávkin gálvoduđáštusaid ja čilgehusaid. Lássánan haddedidolašvuohta ja árvvoštallannávccat addet vejolašvuođa oaidnit hatti kvalitehta ektui. Rekláma sáhttá dalle árvvoštallat jierpmaleappot oaidnit hatti kvalitehta ektui. Rekláma sáhttá dalle árvvoštallat jierpmaleappot ja gie geahččalit birget nu ahte ii oastte buot maid áigi ain gáibida. Veahkkeváriid jierpmálaš geavaheami galgá deattuhit. Nuoraiddásis geavaheapmi ja dállodoallu laktaseaba vuos beaivválaš dávviriid ostimii, borramuša ja boaldámuša iešváraiduhttin sáhttá buoridit bearraša ruhtadoalu. Ohppiid galgá maiddái dahkat didolažžan váldimiin vuhtii iežas geavaheami. Oahpahus galgá máŋga čujuhit iežas vistti hánkamil ja ruhtadeapmái. Galgá bušehtta bidjat bajás ja árvvoštallat sierralágán máksinvugiid. Lea deahálaš oažžut realisttalaš oainnu iežas ruhtadollui ja oastinfápmuí. Oahppit galget beassat oahpásmuvvat geavaheaddji vuoigatvuođaide ja geatnegasvuođaide oastima ja vuovdima oktavuođas. 4. -6. luohkká Ruhta ja ruhtadoallu: Maid mii fidnet ruđain, seastin, man ollu biergasat mákset, oktasaš ovddasvástádus bearraša ruhtadollui, dávviriid rájadit. Praktihkkalaš gávppašeapmi. Rekláma ja geavaheaddji oahpisteapmi: Movt rekláma váikkuha, gáibádusat reklámii, dárbuid árvvoštallan, gálvvuid duohtadieđut, hatti árvvoštallat kvalitehta ektui. Geavaheaddji vuoigatvuođat ja geatnegasvuođat: Lágat ja mearrádusat oastimis ja vuovdimis, gáhtama mearréáigi, váidin vuoigatvuohta. Árvvuid várjalit ruovttus: Jierpmálaš geavaheapmi ja giedahallan, sihkarastin buollima vuostá, gaikusuoallagiid vahágat ja eará vahágat. Veahkkeváriid geavaheapmi, min ovddasvástádus: Geavaheapmi ja bálkesteapmi, ođđasit fas geavahit. Ortnegisdoallan. Nuoskideapmi. Min ovddasvástádus máilmmiservvodahkii ja boahtti sohkabuolvvaide. Praktihkkalaš luonddusuodjalanbarggut. 7.-9. luohkká Bearraša ruhtadoallu, bušeahtta: Ekonomalaš plánen, sierralágán máksinvuogit, árvvoštallat dárbuid oastinveaju ektui. Movt stuorát biergasiid/opmodagaid gejavaha ovttas. Dáhkádus. Iešdieđáhus (selván).

Mønsterplanen 1987 · samiske fagplaner 1989 s. 98 skann 100

Siter