Mønsterplanen 1987 · samiske fagplaner 1989, s. 96 (skann 98)

Skuvlagievkkana praktihkkalaš bargguin lea deahálaš deattuhit plánema, lágideami ja iehčanas barggu, jurddašettiin ohppiid boahttevaš dállodoalu. 4.-6. luohkká Biebmopyramida. Biebmoriekkis: Borramušávdnasat. Dearvvaslaš borramuš, eahpedearvvaslaš borramuš. Vitamiinnat, mineralat ja eará vuođđoávdnasat (nu go veaiki, sinka, kobolt, kromma, selen jnv.) Boradanboddu loaktindagaldahkan: Árgabeaivvi borramuš, feasttaborramuš, ovttas borran. Suddadeapmi, buorredilli. Borramušgálvodilálašvuohta máilmmis: Borramušárbevierut sierranas kultuvrrain, badjelmearálašvuohta, biebmovádjitvuohta, boastto biebmu. Veahkkeváriid juohkin. Praktihkkalaš barggut - borramuš ráhkadeapmi: Álkis gaskabeaivveborramuš, málit, álkis saláhtat, guolli ja biergu, álkis láibun, varrabánnogáhkut, bánnogáhkut ja vaffelgáhkut. Galgá eanaš geavahit báikkálaš ráhkadanávdnasiid, omd. bohccobierggu, šibitbierggu, fállábierggu, fuođđuid, guliid, murjjiid. Dolas bassit/vuoššat. 7.-9. luohkká Praktihkkalaš borramušráhkadeapmi: Boradanbottuid plánen ja čađaheapmi, dábálaš biebmoráhkadeami vuođđovuogit, láibun ja gáhkken, go ollu ráhkada oktanaga, njuovvan ja rihtten (ruvjen), ruvjjiid namat, rádjanvuogit, galmmideapmi, sálten, goikadeapmi, suovasteapmi, sylten, sávtta ráhkadeapmi. Oahppit galget oažžut praktihkkalaš dáidduid sápmelaš borramuša ráhkadeamis ja borramuša rádjamis, ja sii galget oahppat atnit ávkin meahcceveahkkeváriid nu go guoli, murjjiid, fuođđuid, guobbariid ja borramuššattuid. Dolas bassit/vuoššat. Biebmoriekkis: Borramušávdnasat, vitamiinnat, minerálat. Borramušgálvvut ja biebmoárvu, borramušgálvotabealla geavaheapmi. Biebmopolitihkka. Borramušávdnasiid nuoskideapmi. Biebmodárbu sierranas eallinmuttuin ja dilálašvuođain: Mánáid, nuoragearddi ja vuorrasat olbmuid borramuš. Álkis biebmoráhkadeapmi. Áhpehemiid biebmodárbut. Borramušválljen go buohcamin lea. Borramušgálvodilálašvuohta máilmmis: Badjelmearálašvuohta, biebmovádjitvuohta, boastto biebmu, vuoiggalaš juohkin. Borramuš, haddi, bušeahtta: Borramuša árvvoštallan ruđa, áiggi ja návccaid ektui, bázahusaid geavaheapmi. Ieš doalahit alcces biepmu. Verddeortnet sámiservvodagas. DÁLLU JA BIRAS Barggu ulbmilin lea oahpahit ohppiid birget iehčanassii, nu ahte sii sáhttet hálddašit juohkebeaivválaš praktihkalaš bargguid. Oassebarggu praktihkalaš oasi galgá dahkat dakkárin, ahte oahppit sáhttet hárjehallat ruovttus. Ruovttus lea dárbbašlaš bargat ovttas ja juohkit beaivválaš bargguid. Mánát galget oahppat čorgatvuođa ja dahkat iežaset birrasa loavttiihahttin sihke olgun ja siste. Mánáid galgá oahpahit váldit ovddasvástádusa álddiineaset, ja sin galgá maiddái oahpahit váldit vuhtii earáid. Manná sáhttet geahčastit guhkkeli go ieš-alcceseaset, oahppat oktiigullevašvuođa dovdat bearrašii ja ruktui, ja hárjánit váldit oasi juohkebeaivválaš bargguin. Sii galget boahtit ipmárdussii ahte buorit 96

Mønsterplanen 1987 · samiske fagplaner 1989 s. 96 skann 98

Siter