Mønsterplanen 1987 · samiske fagplaner 1989, s. 95 (skann 97)

Buhtisvuohta: Čorgengaskaoamit, movt mii geavahit ja rádjat daid, čorgen addá buoret movtta. Praktihkkalaš barggut. 7.-9. luohkká Min rumaš: Rumašlahtut ja movt dat doibmet, eavttut rupmaša doaibmamii. Bátnedikšun. Ergonomia. Min eallinvuohki: Borramuš ja biebmodilli, rumašlaš lihkadeapmi, rivttes gárvodeapmi, buhtisvuohta, iežas doalahit buhtisin, mirkoávdnasat alkohola, narkotihkka, duhpat (AND). Dávddat: Eallinvuohkebuohcuvuođat, birasvahágat, allergiat, sohkabealledávddat. HIV-njoammu dávda, AIDS, buohcuvuođadikšun ruovttus, dearvvasvuođa-gáhttenbargu, veahkkelágádusat. Ovdánanpsykologia: Rávásmanahki, ollesolbmožin šaddan, min sierralágán dárbbut, sosiálalaš ovttasdoaibma. Lihkohisvuođat ruovttus: Sivat, gáhtten. Váralaš ávdnasat ja biergasat, sihkarvuođabiergasat, vuosttasveahkki. Buhtisvuohta: Buhtisvuohta ruovttus, buhtisvuohta gievkkanis, biebmoávnnasbuhtisvuohta, buhtisvuohta ja čálgu. Praktihkkalaš barggut. Lágat ja mearrádusat. BIEBMU JA BIEBMODILLI Oahpahus galgá movttiidahttit dearvvaslaš ja buori borrandábiide. Borramuš ja juhkamuš addiba rupmašii daid ávdnasiid mat leat dárbbašlaččat šaddamii ja dearvvasinbissumii, ja mat veahkehit dan seammás sierranas rumašosiid doaibmat albmánaládje. Máná galgá bajásgeassit govttolašvuhtii ja son galgá dovdat ovddasvástádusa earáide. Ii galgga leat iešalddes čielga ášši, ahte mii eallit badjelmearálaš riggodagas seammás go mánát ja ollesolbmot eará riikkain gillájit nealggi. Máilmmiservvodaga oasseváldin mii galgat oaidnit biebmogažaldaga viidáseappot. Geavahettiin báikkálaš borramušveahkkeváriid oahpahusa praktihkkalaš oasis, sáhttit dahkat konkrehtalažžan biebmodillegážaldaga riikkalaš ja máilmmiviidosaš oktavuođas. Badjelmearálašvuohta ja eahpedássedettolaš biebmu lea lasihan varrasuotna- ja váibmodávddaid, dahkan bátnedearvvasvuođa heajubun, lasihan borramušsuddadan- ja ávnnasmolsašandávddaid. Danin lea deahálaš oahpahit ohppiide, man dárbbašlaš lea rivttes ja dássedettolaš biebmu. Lea seammás mávssolaš čujuhit man deahálažžan borramuš ja borramuškultuvra lea áiggi loaktimii. Oahppit galget oahppat sápmelaš borramušárbbevieruid ja oahppat báikkálaš borramušávdnasiid geavahit maiddái ođđa vugiid mielde. Borramuš ráhkadeami bokte oaidná oahppi maid son lea oahppan. Borramuša ráhkadeapmi lea somás bargu, mii addá oinnolaš bohtosa. Vánhemat galget boahtit diehtit maid oahppit leat oahppan. Oahppit galggašedje beassat hárjehallat dáidduideaset ruovttus. Nuoraiddási oahppit šaddet fargga váldit ovddasvástádusa biebmusteaset. Sii galget oahppat bures diehtit makkár biebmoárvvuid sierralágán borramušávdvirat sisdollet. Sii galget oahppat ráhkadit borramuša mánggalágán borandanbottuide, ja maiddái geavahit belohahkii dahje ollásit gárvvistuvvon borramušgálvvuid. Oahppit galget ipmirdišgoahtit daid rávvagiid ja dieđuid mat leat gálvvuide bidddjon. Šilljogievkkanborramuša birra lea maid deahálaš oahppat. 95

Mønsterplanen 1987 · samiske fagplaner 1989 s. 95 skann 97

Siter