Mønsterplanen 1987 · samiske fagplaner 1989, s. 94 (skann 96)

Ovttasdoaibman: Árvoriiddut ruovttus ja lagašbirrasis. Ovttaseallin doaivva ja realitehtat, kommunikašuvdna, riidduid čoavdin, oktiigullevašvuohta ja solidariteahta, ovttasbargu. Bearraša biologalaš doaibman: Erohus gaskal sohkabeliid, rumašlaš nuppástumit, rávásmanahki, rávisolmmožin, boarisvuohta. Seksualalaš diehtu. Seammá dássásašvuohta: Barggut ja ovddasvástadusjuohku ruovttuin ja servvodagas, nannet iešgova, seammá vuoigatvuohta duohtan dahkat áigumušaidis. Ekonomalaš iešbirgejupmi. Olbmot geain leat sierranas dárbbut ja vejolašvuođat: Doaibmahehttejumit, rumašlaš, silolaš ja sosiálalaš dárbbut sierranas eallinmuttuin ja dilálašvuođain. Galledallanbálvalus, praktihkkalaš veahkki. Vuoigatvuođat, geatnegasvuođat ja ovddasvástádusat rávisolmmožin: Ráhkkanapmi váldit ovddasvástádusa iežas, ruovttu, bearraša ja servvodaga ovddas barggus ja astoáiggis nuppástuvvi máilmmis. Vánhema ovddasvástádus -mánnádiikšun, mánás fuolaheapmi ja su oahpaheapmi. Oktavuohta mánáidgárddiiguin, duhkoraddanjoavkkuiguin. Almmolaš bálvalusat ja duvddaortnegat, priváhta organisašuvnnaid veahkkefálaldagat. Dárbbut, nanusvuohta ja dearvvasvuohta sierranas eallinmuttuin. Biebmu, eallinvuohki ja dearvvasvuohta. Árvvoštallat gávppašeami dárbbu ja návccaid ektui, ruhtadilli ja veahkkevárre. Birasgáhtten, jierpmi geavahit praktihkkalaš konkrehtalaš daguin. Earalágán čovdosiid oaidnit. Praktihkkalaš doaimmat: Sierranas praktihkkalaš doaimmat, mat leat heivehuvvon váldobargui ja oassebargguide. Geahča M 87, kapihhtal 15 Praktihkkalaš, sosiálalaš ja kulturvralaš barggut. DEARVVASVUOHTA JA ČORGATVUOHTA Oassebargu galgá addit ohppiide dieđuid ja ipmárdusa movt sáhttet váldit vuhtii iežaset rumašlaš, silolaš ja sosiálalaš dearvvasvuođalaš dili, ja movt dát leat vuođđun čálgui ja ovdáneapmái. Min áigái gullet stressa ja eallinvuohkebuohcuvuođat. Lea deahálaš ipmirdit movt eallinvuogit váikkuhit dearvvasvuhtii. Hálešteapmi, ovttasbargan ja beroštumi čájeheapmi leat mávssolaš eavttut, vai sáhttá seailluhit buori dearvvasvuođa. Riekta ráhkaduvvon dearvvaslaš borramuš, mearridanáiggi ja suohtas boradanbottut mearkkašit ollu. Rivttes gárvodeapmi váikkoha dearvvasvuođa ja čorgatvuođa. Čorgatvuohta lea buot oktavuođain mielde ráhkadeamen vuođu dearvvasvuhtii ja áiggi loaktimii. 4.-6. luohkká Min rumaš: Movt rumaš doaibmá, movt sáhttá doallat iežas dearvvasin, iežas rupmaša dohkkeheapmi. Bátnedikšun. Rivttes barganvuogit. Min eallinvuohki: Borramuš ja biebmodilli, rumašlaš aktivitehta, rivttes gárvodeapmi, oađđin, beaivválaš ortnet ja rytma, buhtisvuohta, persovnnalaš čorgatvuohta, mirkoávdnasat nugo alkohola/narkotihkka/duhpát (AND). Dávddat: Mánáiddávddat, gahčahat-dávda, allergiat ja astmáhtalaš buohcuvuođat, buohcuvuohta ja borramušválljen (diehta), movt dávddat njommot, mikroorganismmat. Ovdánanpsykologia: Diehtu iežas birra, dohkkehit iežas dovdduid ja hárjánit birget daiguin, šaddat oadjes iežas ala. Mun ieš ja earát. 94

Mønsterplanen 1987 · samiske fagplaner 1989 s. 94 skann 96

Siter