Mønsterplanen 1987 · samiske fagplaner 1989, s. 93 (skann 95)

Eanaš diehtojuohkin čállosat, maid čuvgehus- ja intereassaorganisašuvnnat almmuhit, galget leat sámegillii, nu ahte daid sáhttá geavahit oahpahusas. Dakkár materiála galgá dárkilit veardidit ovdal go daid geavaha, ja daid galgá lunddolaččat heivehit fágalaš ja pedagogalaš oktavuođaide. Ruovttudoallooahpus lea lunddolaš geavahit áviin ja heivehit materiála ja buktagiid mat leat oaivvilduvvon almmolaš márkaniidda. Dát leat mángii sihke buorit ja hálbbes oahpponeavvut. Váldobarggut ja oassebarggut BEARAŠ JA FUOLAHEAPMI Dát bargu galgá oahpahit ohppiid váldit ovddasvástádusa ja čájehit beroštumi alcceseaset ja earáide. Oahppit galget oahpásmuvvat sámi bearaš- ja fuolkeortnegii. Buorit gaskavuođat bearrašii, sohkii, siidaguimmiide ja lagašbirrasii hábmejit dorvvolašvuođa, oktiigullevašvuođa ja buriid olbmudgaskasaš diliid. Oahppit galget veahážiid mielde dovdagoahtit makkár ovddasvástádusaid sii ožžot ollesolbmožin ruovttus ja servvodagas. Dát bargu galgá sisdoallat vánhenovddasvástádusa, fuolaheami ja mánnádikšuma. Erenoamáš deahálaš oassebarggut leat máná rumašlaš, silolaš ja sosiálalaš dárbbut. Bargu galgá dahkkojuvot realisttalažžan ja galgá leat lahka nuoraid duohta eallima. 4.-6. luohkká Olmmoš bearrašis ja lagašbirrasis: Ovttaskas olmmoš bearrašis. Ovttaskas olbmo ja eará bearašlahtuid gaskavuođat. Sohkabuolvvaid gaskavuođat. Sii geat okto elet. Sierranas ovttaseallinvuogit ja bearrašjoavkkut. Ovttasdoaibman: Makkárat mii leat guhtet guoibmáseamet vuostá, beroštupmi lagamuččáidasamet, ovttasbargu, oktiigullevašvuohta. Movt galgat soahpatmeahttunvuođaid čoavdit go kultuvrrat beaškkehit oktii. Bearraša biologalaš doaibman: Sahkaneapmi, áhpehisvuohta, riegádeapmi. Njuorat máná dikšun. Erohus gaskal sohkabeliid. Rumašlaš nuppástusat. Seammá dássásašvuohta: Bargguid ja ovddasvástádusaid juogut ruovttus ja servvodagas, iešdovddu nanosmahttin, seammá dássásaš vuoigatvuođat, duohtan dahkat iežas áigumušaid. Ekonomálaš iešbirgejupmi. Mánáid sierralágán dárbbut ja vejolašvuođat: Mánáid rumašlaš, silolaš ja sosiálalaš dárbbut, oinnolaš ja oaidnemeahttun doaibmahehttejumit, dárbbut sierranas áigodagain ja dilálašvuođain. Praktihkkalaš doaimmat: Sierranas praktihkkalaš doaimmat mat leat heivehuvvon váldobargui ja oassebargguide. Geahča maiddái M87, kapihttal 15 Praktihkkalaš, sosiálalaš ja kultuvrralaš barggut. 7.-9. luohkká Bearaš institušuvdnan: Bearaš ovdal ja dál, erohus gaskal sohkabuolvvaid, ovttaseallima sierranas vuogit, nuppastumit bearrašis, sii geat okto ellet, dárbu oktiigullevašvuhtii, meanuid ja servvoštallama norpmat. Mánáid illásteapmi. Bearaš ja lagašbiras: Soabalašvuohta ja gaskavuohta fulkkiiguin ja ránnáiguin. Siidaortnet. Dábit ja árbevierut navdima, gástta, fáttarvuođa, konfirmašuvnna, heajaid ja hávdádusa oktavuođas. Eará dáhpáhusat. Árbeviogatvuođat ovdal ja dál. 93

Mønsterplanen 1987 · samiske fagplaner 1989 s. 93 skann 95

Siter