Mønsterplanen 1987 · samiske fagplaner 1989, s. 92 (skann 94)

váldobargui ruovttudoallooahpus. Dán fágas lea lunddolaš erenoamážit deattu hit dan oktavuođa mii lea gaskkal biepmu ja dearvvasvuođa, ja movt čálgu váikkuha min rumašlaš ja silolaš dearvvasvuhtii. Mánga oassebarggu mat leat váldobarggut Bearaš ja fuolaheami vuolde gullet maiddái lunddolaččat birasfágii ja servvodatfágii. Ruovttudoallooahpahusas bidjo erenoamáš deattu váhnemiid ovddasvástádussii ja áššiide mat gusket bearrašii ja ruktui. Ruovttudoallooahppu álgá birasfágas 1.-3. luohkáin. Dien láhkái ásaha fága lunddolaš vuođu fágaidgaskasaš ovttasbargui ja fágaidgaskasaš plánaide dahje prošeavttaide. Livččii maid lunddolaš geahččat bargguide ruovttudoallooahpus praktihkkalaš, sosialalaš ja kultuvrralaš bargguid (PRASOSKA) oktavuođain. Fága addá buriid vejolašvuođaid báikkálaš oahppoplánabargui mii sáhttá čatnat oahpahusa lagašbirrasii. Fágas sáhttá ovddidit boares stádáiduvvan sámivieruid ja dáidduid. Ruovttudoallooahppu lea vuogas geavahit muddiduvvon oahpahussii. Lea vejolaš bidjat oassebargguide dakkár mihttomeriid maid ulbmilin lea veahkehit ohppiid buoremus lági mielde birget eallimis. Joksandihte realisttalaš oahppo ulbmiliid mat leat heivehuvvon juohke oahppi oahppannávccaide, sáhttá leat ávkkálaš ja sávahat bargat ovttas eará luohkáiguin ja fágasurggiiguin. Barggut galget leat dakkárat, ahte oahppit sáhttet dalánaga oaidnit konkrehtalaš bohtosiid barggusteaset. Bargovuogit Dás čujuhuvvo dasa mii lea namuhuvvon bargovugiid birra ovddit bihtás ja dasa mii daddjo bargovugiid birra juohke váldobarggu vuolde. Lea maid deahálaš ahte teoretalaš ja praktihkkalaš oahppu čađahuvvo bálddalágaid. Lassin bargui mii dáhpáhuvvá skuvllas, sáhttá bargu lagašbirrasis addit hárjáneami fuolahanbargui. Dát addá realisttalaš hárjehallama mii sáhttá nan net daid dieđuid ja oahpu maid oahppit leat oahppan. Vuogas barggut gávdnojit maiddái skuvlla iežas birrasis. Lea deahálaš ahte juohkehaš dahká iežas barggu, muhto ferte maiddái addit vejolašvuođa bivdit veahki ja addit veahki. Bargga dettiin galgá geažosáiggi leat vejolašvuohta árvvoštallat bargovugiid, bargobier gasiid, veahkkeávdnasiid, hattiid ja kvalitehta, bargoáiggi ja bargonávccaid. Estehtalaš oasit leat maiddái deahálaččat. Proseassa lea seamma deahálaš go boađus. Oahppit galget hárjehallat geavahit dieđuideaset nu ahte dát čielgasit váikkuha dahkamii ja válljemii. Oahpponeavvut Oahpahus galggášii čađahuvvot lanjain gos lea sadji ja gos gávdnojit biergasat praktihkkalaš doaimmaide. Oahpahus, masa gullá borramuša ráhkadeapmi ja gievkkanbarggut, galggášii čađahuvvot dakkár oahpahuslanjas gos leat valljit veahkkeneavvut ja dábálaš teknihkkalaš gievkkanbiergasat. Das galget maid leat gávdnamis sihke sámegiel oahppogirjjit ja diehtogirjjit mat gokčet buot osiid fágas. 92

Mønsterplanen 1987 · samiske fagplaner 1989 s. 92 skann 94

Siter