Mønsterplanen 1987 · samiske fagplaner 1989, s. 91 (skann 93)

– oahpahit ohppiide man mávssolaš rievttes biebmu, buorit borranđábit ja ovttas borádeapmi lea dearvvašvuhtii ja čálgui – oahpahit ohppiid ráhkadit doaibmi persovnnalaš ruovttu, gos olmmoš loaktá, dáiguin veahkkeádaiguin mat gudege ruovttus leat gávdnamis Ruovttudoallooahppu galgá addit ohppiide oahpu mii lea sihke praktihkkalaččat, teorehtalaččat ja sisdoalu dáfus buorre vuođđun sin beaivválaš eallimii boahtte áiggis. Oahppit galget oahppat makkár gáibádusat sidjiide leat ruovttus ja lagašbirrasis, ja movt sii buoremusat sáhttet hálddašit dáid gáibádusaid. Sii berrejit maiddái oahppat bargat bargguid mat eai leat njuolgga sidjiide mearriduvvon, muhto maid lea dárbbašlaš bargat. Dán fágas lea vejolaš konkrehtalaččat ja praktihkkalaččat oahpahit ohppiid čájehit veahkkáivuođa, beroštumi ja ovddasvástádusa – erenoamážit ruovttus ja lagašbirrasis, muhto maiddái viidábut. Sii galggašedje oahppat ahte lea dárbu atnit fuola veahkkeváriin ja geavahit daid riekta. Oahppit galget maiddái dovdagoahtit addin- ja juohkinilu. Oahppu ja oahpu ovdáneapmi Sámiid eallinvuohki ja árbevierut galget leat vuođđun ruovttudoallooahpahusas. Ruovttudoallooahppu lea vuosttažettiin praktihkkalaš fága, muhto teoria, mii lea dárbbašlaš sihke oahppama dáfus ja eallimis, lea vuođđun bargui. Buot bargguin ja luohkáin lea jurddašuvvon, ahte teorehtalaš ja praktihkkalaš oahpaheamit galget čuovvut nubbi nuppi. Váldobargguid vuođđun leat oahppit ieža ja sin lagašbiras. Bargu viiddiduvvo nu guhkás go lea vejolaš ja gánnáhahtti. Sisdoalu sáhttá dahkat čiekŋaleabbon dađi mielde go ávdnasat ja áigi addet vejolašvuođa. Barggu sáhttá ordnet máŋggaláhkái, ávdnasiid ja báikkálaš dilálašvuođaid ektui. Oahpahus addojuvvo ohppiid vuosttasgillii. Praktihkkalaš bargu galgá čađahuvvot joavkkuin mat eai leat menddo stuorrát. Oahpahus berre čađahuvvot várrejuvvon lanjain. Plána lea huksejuvvon olbmo eallima guovddáš áššiide ja geahččala addit ohppiide vuođu sáhttit hálddašit juohkebeaivválaš eallima. Oahppit galget oažžut dieđuid, mat sáhttet veahkehit sin dearvvaslaš eallimii nu ahte sii atnet fuola iežaset dearvvasvuođas ja veahkehit earáid dearvvaslaš eallinvuohkái. Olu bargobihtát gusket ruovttuid oahpahussii ja mánáid bajásgeassimii. Danin lea deahálaš čilget fága ulbmiliid ja bargovugiid ovttas vánhemiiguin. Praktihkkalaš čuovvun ruovttus ja lagašbirrasis addá buori oahppanbohtosa. Oahpu áhpeheami, mánnádikšuma ja bajásgeassima birra berrešii addot easkka manimuš luohkás. Oahppit leat dalle láddaseappot, ja diet áššit leat áigeguovdilat dáidda ohppiide, geat fargga vulget ollesolbmuid eallimii ja vuođđudit iežaset ruovttuid. Lea lunddolaš oahpahussii maiddái váldit mielde dan movt galgá gálvvuid dovdat, gávppašeami ja movt galgá máhttit árvvoštallat hatti ja kvalitehta veahkkálasaid muhtun áššedovdiin. Váldobargu Dearvvasvuhta ja čorgatvuohta lea maiddái čadnon birasfágii, lihkadeapmái ja luonddudihtui, dan seammás go dat heive oassin máŋgga 91

Mønsterplanen 1987 · samiske fagplaner 1989 s. 91 skann 93

Siter