Mønsterplanen 1987 · samiske fagplaner 1989, s. 80 (skann 82)

Dovdu, ja muosáhus: Musihkka sierranas musihkkajoguin ja stiillain. Programmámusihkka, musihkka ja dovddut, musihkka mii ii guoskka maidige olggobeal musihka (ábsoluhtalaš musihkka), teaksta ja musihkka. Ráhkadit nuohttagihpaga (partitura) guldalan várás. Guldalit musihkkii geahččaleami ja komponereha oktavuođas go bargá eará oasseávdnasiiguin. Hálešteapmi musihkkamuosáhusaid birra. Musihkkadiehtu: Bargat diehtoávdnasiiguin ja musihkkateoriain go lea čađaheamin musihkkadoaimmaid eará váldobargguin ja oassebargguin. 7.-9. luohkká Musihka geavaheapmi ja funkšuvnnat: Čohkket dieđuid ja ávdnasiid, ja buktit ovdan musihka sierranas funkšuvnnain ja sierranas máilmmeosiin. Ráhkadit prográmmaid gos čájeha musihka, álbmotdánssaid ja álbmotbiktasiid sierranas kultuvrrain. Musihka geavaheapmi ja funkšuvnnat eará kultuvrrain. Duogášmusihkka, musihkka rádios, TV-as, musihkka ja máinnostus (rekláma), musihkka sierranas nuoraidkultuvrrain. Dovdu ja muosáhus: Musihkka sierranas musihkkarádjosiin ja stiilašlájain sierranas kultuvrrain. Prográmmamusihkka. Ábsoluhtalaš musihkka. Hálešteapmi, njálmmálaš ja čálalaš musihkkamuosáhusaid ovdanbivvumiid birra. Čielgadanávdnasat kultur- ja dáidahistorjjá birra. Fágaidgaskasaš doaimmat o.m.d. servvodatfágaiguin, eallinoaidnofágain ja kristtalašvuođafágain. Háleštit kvalitehtaid birra sierranas musihkkarádjosiin ja stiilašlájain sierranas kultuvrrain, maiddái sámi musihkkakultuvrras. Musihkkadiehtu: Bargat diehtoávdnasiiguin ja musihkkateoriain musihkkádoaimma oktavuođain, ovttastuvvon eará váldo- ja oasse bargguiguin. INTEGREREN Dát váldobargu sisttisdoallá oahppoávdnasiid barggu birra musihkas daid oktavuođain gos sámi musihka iešvuođas eai leat čielga rájit melodiia ja teavstta gaskka, muhto gos musihkkalaš cealkka sáhttá boahtit dajahusa sadjái (gielalaš/girjjálaš dajaldaga sadjái). Dát sáhttet omd. leat juigosis gos sáhttá geavahit gielalaš ja drámatihkalaš gaskaomiid musihkkii lasáhussan, ja gos musihkka ja girjjálašvuohta/dráma doarjuba nubbi nuppii ja dan bokte leaba oasit musihkkalaš ollisvuođas. Dás lea muhttašuvvi rádjá gaskkal dan maid sáhttá gohčodit musihkkalaš ja olggobealmusihkkalaš elemeantan. Ferte oažžut ovdan áddejumi dasa ahte dát leat biddjon oktii integrerejuvvon ollisvuhtii. Sihke sierranas skuvlafágat ja dat sierranas váldo- ja oassebarggut musihkkaplánas galget váldot atnui čiekŋudan dihtii ja vuođđudit stuorát áddejumi dáid dilálašvuođaid birra. Maiddái musihka funkšuvnnat sámi kultuvrras dahket ahte eanet fágat ja barggut fertejit váldot átnui. Musihkka lea vieruid mielde sihke dieđu ja árvvu guoddi sámi oktavuođas. Dát lea oktasaš sámi kultuvrras nu go lea árbevirolaš mángga eará ge kultuvrrain, mat leat boarráseappot go čállin kultuvra. Go integrere oahppoávdnasiid sogalaš kultuvrrain (omd. inuitain, davvi-indiánain, samojedain, tjuktsjain), dalle bures sáhttá ovdamearkkaid čájehit ovttastusaide ja musihkkahistorjjálaš ovdáneapmái ránnákultuvrrain álgoálbmogiid gaskka. 80

Mønsterplanen 1987 · samiske fagplaner 1989 s. 80 skann 82

Siter