Mønsterplanen 1987 · samiske fagplaner 1989, s. 78 (skann 80)

Konseartadoaimmahusas ferte válljet temaid ja ovdanbuktinvugiid nu ahte musihkkaválljen dássádallo sierranas kultuvrraid gaskkas. Musihka ii galgga buktit ovdan sierastallan vugiin, muhto ferte geavahit dan kulturduogážiin ovttas mas lea vuolggán. Diehtu daid olbmuid birra geat doibmet dahje leat doibmen musihka, ja sin eallimis, váikkuhivččii áddejumi ja muosáhusa. Sámi musihkkakultuvra lea maid dan duohken ahte konseartadoaimmat leat oassin viiddiduvvon kulturoainnus ja áddejumis temaid, musihka ja ovdanbuktinvugiid bokte mat gullet kultuvrraide mas leat sullasaš árbevierut, sullasaš musihkkaráhkadus ja musihkalaš geavahus (funkšuvdna). Konseartadoaibma sáhttá mángga láhkái veahkehit ovttasgeavahit (integreret) sierra fágaid, ja fágaidgaskasaš doaimmaid. Riikakonseartta doaimmaid sáhttá maid geavahit ávkin go bargá ráhkadit iežas skuvlakonsearttaid ja, ovttasbarggu báikkálaš musihkkadoaimmahin dahje kursadoaimmain. 1.-9. luohkká Musihkkaráhkadeapmi: Ovttasbargu fitnolaš musihkáriiguin, oahpaheddjiiguin, amatøraiguin ja komponisttaiguin báikkálaš birrasis konsearttaid doaimmahit. Ráhkadit musihka sierranas mediaide. Iežaset konsearttat: Konsearttat gos buot ohppiin leat álkislaš, oanehis dahkosat. Čuojahanplána (repertoara) maid viežžá musihkkaoahpahusas ja ohppiid duogážiin olggobealde skuvlla. Neavttašit váhnemiidda, oappáide ja vieljaide, eará klássaide, olles skuvlii, lágádusaide. Ráhkadit musihka sierranas mediaid várás. Earáid konsearttat: Konsearttat Riikakonsearttas, eará fitnolaš musihkáriid dahje amatøraid bokte geat galledit skuvlla. Ovda- ja loahppabargu. Nuoraidskuvlalágásis galget maid geahččat orkesterkonsearttaid, opera, rokkekonsearttaid, girkokonsearttaid, balleahtaid, musihkkateateriid. Ráhkadit musihka mediaid várás. MUSIHKA VUOĐĐO-OASIT Dát váldo-oassi sisttisdoallá oahppoávdnasiid mat attášedje oahppái áddejumi ja dieđu dan birra makkar vuođđo-osiin musihkka lea ráhkaduvvon. Dat álggahuvvo das ahte áddejupmi musihka vuođđoosiid birra oamastuvvošii sierranas doaimmaid bokte daid eará váldo- ja oassebargguid bokte. Bargu musihka vuođđoosiiguin oamastuvvošii doaimmaid bokte dalle go guldala, hápme, ođđasit hápme, sirddiha musihka eará cealkinoktavuođaide jnv. Dát addá maid vuođu áddet makkár geavahusat (funkšuvnnat) musihkas sáhttet leat sierranas ovttastusaín. Dát álggahuvvo go bargá jienain/jaskatvuođain, dynamihkain, ritmmain, čuojaallodagain ja hámiin. Dáinna vugiin čájeha mo sierranas vuođđo-oasit mannet musihkkastruktuvrraide.Oahppobarggut eai leat juhkkojuvvon golmmajagi áigodagaide, muhto galget heivehuvvot ohppiid láddanássái, nu go maiddái bargojuvvo eará váldo- ja oassebargguiguin. 1.-9. luohkká Ravkkas: Rumašravkkas, guldaleapmi ja lihkadeapmi musihkkii sierralaš johtui (tempoi), ja dađistaga molšašuddi johtui (accelerando, rállentando - dađis jodánabbu/njozet). Ritma: Guldaleapmi ja lihkadeapmi ritmii. Ritmálaš hállan/hupman, mánáid 78

Mønsterplanen 1987 · samiske fagplaner 1989 s. 78 skann 80

Siter