Mønsterplanen 1987 · samiske fagplaner 1989, s. 77 (skann 79)

4.-6. luohkká Musihkka ja lihkadeapmi: Ráhkadit ja čoahkkái bidjat ritmaostinátaid (ostinát: ritma- dahje nuohttagurgadas maid geardduha), dánssat sierranas ritmašlájain, ritma dahkat ja lihkadit divttaide, friddja lihkadeapmi. Sierranas dánsunvuogit sierranas kultuvrrain. Musihkka ja dráma: Miimet musihkkadajaldagaid ja musihkkamuosáhusaid. Karakteriseret (govvidit) ja improviseret (hárjekeahttá juoidá dahkat) sierranas olmmoššlájaid ja rollaid sierranas sorttat musihkkii. Integreret (lahtodit) musihka, lihkadeami ja dráma. Oinnolaš oasit juigosis, omd. olbmo- ja elliidjuigosin. 7.-9. luohkká Musihkkateater: Bargat revyain, kabareain. Musihkkačájéheamit. Dánsa: Dánssat báikkálaš birrasis, norgga álbmotdánssat, davviriikkalaš álbmotdánssat, riikkaidgaskasaš dánssat, ođđaáigásaš dánssat, jassabáleahțat, boarrásit dánssat (gammeldans), rock and roll, dánsavuogit mearriduvvon lihkadanmistariin áigeguovdilis pop-ii ja rock-ii. Ráhkadit dánsunlávkkiid sierranas lávlagiidda. Sierranas kultuvrraid riitalaš dánssat. SKUVLAKONSEARTTAT JA MUSIHKKALAŠ OVTTASBARGGUT Skuvla berre heivehit dilálašvuođaid ovttasbargguide organiserejuvvon ja organiseretkeahttá musihkkadoaimmaiguin báikkálaš birrasis. Dat sáhttá veahkehit ohppiid maid skuvllas bargat doaimmaiguin ja hommáiguin maiguin sii buđaldit astoáiggi. Skuvla berre maid váldit oktavuođa báikkálaš birrasiin dan nammii ahte álggahit báikkálaš kultur- ja musihkkadoaimmaid. Oktavuohta birrasiin sáhttá ovddiduvvot dakku bokte ahte skuvla geavaha báikkálaš vejolašvuođaid ja návccaid. Dilálašvuođat fertejit nu heivehuvvot ahte oćčošii ovttasdoaimma maiddái fitnolaš sámi musihkkáriiguin, ja fitnolaš musihkkáriiguin, sogalaš kultuvrrain. Dát ovttasdoaibma berre čađahuvvot dan láhkái ahte fitnolaš musihkárat leat mielde plánemin skuvlla temaid. Fitnolaš musihkárat sáhttet leat bagadeaddjit ja konsearttaid doallat mat heivejit daidda temaide maiguin kássat (luohkát) leat bargame. Skuvlakonsearttat, sihke ohppiid iežaset ja konsearttat ruoktomusihkkáriiguin (amatøraiguin) ja fitnolaš čuojaheddjiiguin, berrejit leat deatalaš oasit skuvlla musihkkaoahpahusas. Skuvlakonsearttaid ulbmil galgá leat oažžut ohppiid lunddolaččat neavttašit nuppiide, vuođđudit buriid guldalandábiid ja dáhtu áddet eará musihkkalaš ovdanbuktagiid. Eaktun oažžut rievttes sámi musihkkaoahpahusa lea ahte olgobeal boahtti musihkkačeahpit neavttašit. Johtti sámi musihkárat leat danin eaktun oažžut ovttasdoaimma gaskkal skuvlla iežas oahpahusa ja sámi musihkkalaš árbevieruid. Bargu berre maiddái čadnot kulturlonuhussii, konseartamátkkiide ja fádda (tema) vahkuide mas váldojuvvo ovdan sierra ášši dahje doaibma, ja main leat mielde sogalaš čearddaid dahje kultuvrraid musihkkajoavkkut. Soames áigodagaid fáddá oahpahus čadnot skuvlakonseartadoibmii. Álgobargu, konsearta ja loahppabargu galgá gullat oktii. Dát galgá hehttet ahte konsearttat šaddet sierastallamat. Riikakonseartta skuvlakonseartadoaimmaid sáhttá atnit gullevážžan skuvlla musihkkaoahpahussii. Dát ovdanbuktet ealli musihka mas lea alla máhtolaš dássi. Molsašumit programmain, ođđa ovdanbuktinvuogit, go guldaleddjiť ieža besset maid doaibmat, dagahit ahte konsearttat šaddet ealáskahtti lasáhussan skuvlla musihkkaoahpahussii. 77

Mønsterplanen 1987 · samiske fagplaner 1989 s. 77 skann 79

Siter