Mønsterplanen 1987 · samiske fagplaner 1989, s. 76 (skann 78)

Čuojahanhárjehus: Joatkit barggu áddestallan-čuojahamiin, geahččalemiin, improviseremiin ja komponeremiin go lea bargamin vuđolaš čuojahanvugiin (teknihkain). Oahppat čuojahanbihtáid gulu ja nuohtaid mielde. Geahččaladdat šuognavejolašvuođaid sierranas čuojanasain. Ovttasčuojaheapmi: Joatkit barggu čuojahanbihtáiguin ja čuojamieđuštemiin sierralágán čuojanasaiguin ja sierra stiillaid mielde. Čuojahanjoavku sierranas čuojanasveagain, ja mas leat maiddái skuvlla/luohká ja ohppiid iežaset čuojanasat seahkalaga. Mii ráhkadit ja čuojahit iežamet čuojanasaid: Sierranas čuojanasat mat vieruid mielde leat ráhkaduvvon luonddu ávdnasiin. Siedganjurgan, boskanjurgan, dearpančuojanasat (rumbbut j.ea.) álbmogiid álgočuojanasat (etnálaš čuojanasat): álkislaš rumpput, njigonasat ja skoabanasat. 7.–9. luohkká Geahččaladdan ja komponeren: Geahččaladdan, improviseren ja komponeren. Komposišuvnnat sierra stiillaid mielde sierranas čuojahasaiguin olgguldas dáhpáhusaide. Govvidit mielladiliid, dovdduid jnv. čuojamieđušteapmi lávlagiidda ja oktočuojanasaide, álgočuojaheapmi, gaskačuojaheapmi, loahppačuojaheapmi. Čuojahanhárjehus: Didoštit čuojanasaid ja hárjehallat. Hárjehallat gávdnat ritmmaid, riffaid (geardduhit čađamanni nuohta) ákkordaid ja dábálaš harmonialaš ovdanemiid skierruid mielde rock-as, pop-as ja sullasaš musihkas ja heivvolaš čuojanasaiguin. Joatkit barggu čuojahit gulu mielde ja nuohtaid mielde. Ovttasčuojaheapmi: Smávit joavkkut čuojahit ovttas pedagogalaš čuojanasaiguin. Luohká čuojahanjoavku. «Rocke-jovkkožat» ja eará čuojahanveagat ohppiid beroštumi ektui ja dađi mielde go ohppiid iežaset čuojanasat heivejit. Musihkka ja eará mediat: Jietnagovat ja lávlagat čuojahanbihtát, musihkkačájálmasaide, kábareaide, revyaide. Musihkka videoi. MUSIHKKA, LIHKADEAPMI JA DRÁMA Musihkka lea dárkilit čadnon rumašlaš ja drámatalaš cealkagiidda. Lihkadeami bokte musihkkii váldet oahppit rupmaššiiddiset ja dovdduideset atnui vuogi mielde mii gievruda ávvirvuođa ja árjja musihkkii. Nie sáhttá lihkadeapmi musihkkii nannet musihkkamuosáhusa. Dráma-doaimmaid bokte sáhttá musihkkaoahpaheaddji bajidit oadjebasvuođa ja leat mielde vuođđudit duostilvuođa ja lunddolašvuođa masa lea dárbu buot hápmemiid oktavuođas. Jus eanet doabaid dárbbaša dráma-doaimmaide, de čujuhit árbevieruide sámi kultuvrras ja sogalaš kultuvrrain, ja drámagirjjálašvuhtii europealaš árbevieruin. 1.–3. luohkká Musihkkamáidnasat: Bargu jietnahápmemiin, jietnadagaid ráhkadit máidnasiidda, drámatiseret (govvidit) dáhpáhusa. Musihkka ja dráma: Musihkka govvideapmái, miima, «oahpisin-šaddat» stoahkamat, áddestallan, speajal-stoahkan, oadjebasvuođa- ja guoskkahushárjehallan, vuoinŋastan-ja ávvirvuođahárjeheamit. Musihkka ja lihkadeapmi: Lihkadeapmi rupmašiin čilgen dihtii melodiiháltti, čuojaallodaga, čuojaguhkkodaga, musihkalaš hámi, ravkasa. Dahkat lihkadeami ja lávkkiid musihkkii. Sierranas dánsemat sierranas kultuvrrain: árbevirolaš dánssat, riitalaš dánssat ja relijuvnnalaš dánssat.

Mønsterplanen 1987 · samiske fagplaner 1989 s. 76 skann 78

Siter