Mønsterplanen 1987 · samiske fagplaner 1989, s. 72 (skann 74)

ja oahpis šaddat musihka muhttimii ja musihka eatnatvuođaide oktan musihka ávdnasiiguin ja elemeanttaiguin. Oahppit galget ovddidit návcca hámet oktilaš nuohttamearkkaid vástádussan daid váikkuhusaide ja dovddiidusaide maid ožžut beaivválaččat. Sii galget maid nannet návcca čoavdit musihkkalaš váttisvuođaid dan jierpmálaš (ákustihkalaš) duogáža bokte mainna sii leat dovddidan. Hápmema doaibma sisttisdoallá oahppoávdnasa nu go geahččaladdama suopmaniin ja čuojanasaiguin, sárdnun rupmaša bokte ja doallá maid geahččalit oktii bidjat dovddiid álkiislaš ja ovttageardán komposiuvnnaide, hámet musihkalaš govaid jurdagiiddis mielde (temaide mat iešalddis eai leat musihkkalaččat) nu maiddái drámatiseret sierranaš dáhpáhusaid jiena ja suoŋa bokte. Bargu dahkkojuvvošii olles luohkás ja smávit joavkkuin, álggos ovttasgas bargu, ja dadistaga molssodaddi. Hápmen berrešii álggahuvvot áššiin/fáttain mat gullet ohppiid beaivválaš dillái, ja leahkit guovddáš oassin fágaidgaskasaš bargguin. Hápmema bokte šaddet maiddái návccat lávlumis ja čuojaheamis nannejuvvot. Dát návccat leat eaktun hámet iežaset ja earáid dajaldagaid/ovdanbuktimiid. Hápmema bokte galggašii musihkkaoahpahus ovddidit praktihkálaš dieđuid sierralágán musihkalaš vugiid birra, ja ávžžuhit ohppiid hámet iežaset ovdanbuktimiid/dajaldagaid. Oahppoávdnasiid gaskkii gullet barggut musihkkavugiiguin. Eaktun lea nannet ohppiid ovdanbuktinnávccaid. Guovddáš dán barggus lea suopmangeavaheapmi, ja lea deatalaš ahte lávlla oažžu guovddáš saji sihke musihkkadiimmuin ja eará nai gávnnadanbottuin. Guldaleami bokte galggašedje oahppit oahppat ávvira atnit musihkas ja šaddat árjjalaččat musihkkii maid dovdet ja eai dovdda. Guldalemii bokte galggašedje oahppit maid oahppat muitit ja jurddašit makkár musihkka soaitá leat, šaddat oahpisin sierranas musihkkaguovlluide ja stiillaide. Sii maid berreše oahppat fuopmát daid osiid musihkas mat muosáhusaid boktet. Bargu guldalemiin álggahuvvo čuoddji osiiguin mat gullet musihkkii, nu go mat šuogna, johtu, ravkin, ritma, bistevašvuohta, vuoibmi, čuojaallodat, melodia, harmonia hápmi ja huksejupmi. Viidáseappot galggašii geahččalit čájehit mo diekkár oasit leat anos go čuožžela gealdu, dahje go bohciihasierranas dovdu ja jurdda go lea guldaleamin. Lea deatalaš ahte dat ovdamearkkat mat geavahuvvojit guldaleapmái leat válljejuvvon mánggalágán musihkkaguovlluin ja kultuvrrain. Dien láhkái sáhtášii oahpaheaddji dagahit ahte oahppit šaddet rahpasat daidda gaskaomiide musihkas mat boktet muosáhusaid. Go geavaha musihka eará/iežá ovdanbuktingaskaomiiguin, de ovddidivččii oahppi návcca dahje seara iežas peršuvnnalaš ja dáiddolaš ovdanbuktimiid gievrudit. Earenoamážit deattuhuvvo hárjehallan dánsun- ja lihkadeami vugiide mat gullet iežaset birrasii ja maiddái eará kultuvrraide. Go ovttasta musihka omd. lihkademiin, gielain, govain, dajaldagaiguin, rollain, dahje ollislaš dramatalas dáhpáhusain, de galggašedje oahppit beassat fievrridit musihkkalaš dovddiuid eará ovdanbuktinvugiide. Fáttaid dahje ávdnasiid dákkár bargui sáhtášii váldit ohppiid juohkebeaivválaš eallimis dahje eará skuvlafágain. Bargovugiid bokte, mat deattuhit ádden ja veardidan ovdaneami, galget oahppit oahppat muohkadit jurdaga bokte musihkkalaš dovddiidusaid ja háleštit musihkkamuosáhusaideaset birra. Deaddu maid bidjojo dasa ahte sii galget

Mønsterplanen 1987 · samiske fagplaner 1989 s. 72 skann 74

Siter