Mønsterplanen 1987 · samiske fagplaner 1989, s. 71 (skann 73)

buot luohkáin: Suopmana geavaheapmi, čuojaheapmi, musihkka, lihkadeapmi ja dráma, skuvlakonsearta ja musihkkalaš ovttasbargu musihkkačielggadeapmi, integreren ja musihka vuođđoelemeanttat. Lea deatalaš, earenoamážit daid vuolimus luohkáin, ahte sihke váldobarggut ja oassebarggut gieđahallojit ollislaš vuogi mielde, omd. nu ahte musihkka doaimmat vuolggahivčče dovddus, dieđus, veardideami ja hárjehallama. Nu go oassebarggut leat biddjon dán plánas, de gokčet sii stuora ja molsašuddi ávnnasrádjosa. Mánga oassebarggu leat dárkilit čadnon oktii. Jus dáid geavaha ovttas dahje časká oktii, de sáhttá geahpedit ávnnasmeari dahje vuođoleappot bargat muhtun ávdnasiiguin dahje áššiin guhkit áiggi. Musihkas lea dávjá dárbu bargat ovtta ávdnasiin guhkit áiggi, ja mannil bargat ávdnasiin bajit luohkáin. Danin šaddá ge ulbmilin guhkit-áigge plánemis vuhtii váldit ovdaneami (progrešuvnna) oahppoávdnasiin. Bargovuogit Guovddáš bargovuogit sámi musihkkaoahpahusas leat musihkkalaš doaimmat, dovddiidusaid fuomášáhttin ja mo geavahit ovddeš dovddiidusaid ođđa dilálašvuođain. Dávjá eai leat čielga rájit daid bargovugiid gaskka. Eai ge álo boađe dán ortnetvuoru mielde. Musihkkalaš doaimmaiguin oaivvilduvvo vuosttažettiin jietnalaš doaimmat, čuojaheapmi, musihka mielde lihkadeapmi, guldaleapmi ja dovdu, ja čájálmas ráhkadeapmi musihkkii (drámatiseren). Bargu sierranas musihkkalaš ávdnasiin sáhttá maid adnot musihkkalaš doaibman nu guhká go oahppit ieža leat doaimmas mielde. Ovdamearkkan dás sáhttá leat musihkka mediain, ja musihka čoagginbargu. Bargovuogit sáhttet rievddadit, muhto deatáleamus bargovuogit dáidet leat bádden jietnabáddái/videobáddái, videogovven ja jearahallamat. Musihkkalaš doaimmaid bokte galget oahppit oažžut dovddiidusaid mat leat deatalaččat ovddidan dihtii musihkkalaš beroštumi, dieđuid ja návccaid. Oahpaheaddji berre veahkehit ohppiid ordnet ja vuođoleappot čilget váikkuhusaid, ja maiddái nannet sin dáiddu ovdanbuktit muosáhusaidis jiena bokte, čuojanasáid bokte ja lihkademiid bokte. Giella geavahuvvo dábálaččat gaskaoapmin háleštit dan birra maid olmmoš dovdá, mo ain háliida hápmet musihkkalaš buktaga, ja čilget daid sierranas diliid gos musihkka lea mielde. Dajaldagain «dovddiidusaid fuomášáhttin» oaivvildit ahte diehtoamasteapmi galgá dáhpáhuvvot máŋŋá go oahppit leat dahkan dovddiidusaid dáinna dieđuin musihkkalaš doaimmaid bokte. Dávjá dáhpáhuvvo maid go oahppit dahket dovddiidusaid musihkkalaš doaimmaid bokte, ahte sii áddejit manin diehtu lea dárbbašlaš. Dát sáhttá omd. leat dárbu sierralágán nuohttačálliimiidda nu go šuognaallodat čállimii, ritma čállimii, ja gráfalaš govaid ráhkadeapmai iešguđet lágan šuonaide. Dát fas viiddida dieđu mo čállit ákkorddaid, siffarastit jnv. Vásihusaid mat bohtet musihkkalaš doaimmaid bokte, sáhttá geavahit ođđa dáhpáhusain ja diliin go lea hápmemin ieš dahje áddestaddamin. Vásihusat leat maiddái ávkin go lea musihka guldaleamin, musihka bargui eará mediaid bokte, dahje bargovugiide mat nannešivčče áddejumi ja árvvoštallama. Hápmema bokte galggašii oahppi ovddiidit diehtoángirvuođa sierranas musihkkalaš vugiide 71

Mønsterplanen 1987 · samiske fagplaner 1989 s. 71 skann 73

Siter