Mønsterplanen 1987 · samiske fagplaner 1989, s. 73 (skann 75)

hárjanit veardidit musihka ja sierralágán musihkkalaš geavahan- ja láhttenvugiid. Dasa lassin galget oahppit oamastit dieđuid musihkkalaš fágasániid ja nuohttačállinvugiid birra. Nu maiddái musihkkalaš stiillaid ja geavahusa birra sierranas historjjálaš ja kultuvrralaš oktavuođain. Sii galget maid ovddidit návcca (seara) dahkat árvvolaš válljejumiid. Go bargá sierranas váldoosiiguin ja oassebargguiguin, de berrejit oahppit oktilassii oažžut veardideami ja bagadeami mii árvvosmahttá lunddolašvuhtii, hutkálašvuhtii, improvisašuvnnalašvuhtii, hápmenipmárdussii ja dasa ahte oahppit ieža háliidit/dáhttot buktit ovdan feara maid nu. Nannen dihtii návcca geavahit musihka gaskaoapmin nuppiiguin váldit oktavuođa de berrešii oahpaheaddji oahppehit oahppiid dasa ahte sii ieža álggahit ja váldet ovddasvástádusa čađahit ja ovdanbuktit musihkkalaš ovttasbargguid ja ovttasčuojahemiid. Gos ulbmil lea bajidit áddejumi ja muosáhusa musihkkii, berrešedje oahppit oažžut dakkár bagadeami mii ovddida miellagittu musihkkii, ávvirvuođa go guldalit, áiccu ja čehppodaga geavahit dieđuid go veardidit musihka. Dás lea deatalaš deattuhit ahte musihkkafága lea huksejuvvon daid eavttuid vuođul ahte buot mánáin leat musihkkalaš attáldagat maid sáhttá ovddidit. Buohkat sáhttet leat mielde oktasaš čuojaheamis eavttuideaset mielde. Musihkkafiggas leat buorit vejolašvuođat addit mávssolaš bargguid mánáide ja nuoraide geain leat earenoamáš dárbbut. Go geavaha ovttasčuojahanvugiid mas leat mánggalágán dásit ja vejolašvuođat suopmangeavaheapmái, oktasašlávlumii, sierranas čuojanasaide; ja vugiide mat leat heivehuvvon vásedin soapmásiidda, de bargobihtát sáhttet heivehuvvot nu ahte buohkat sáhtášedje searvat ja illudit go nákcejit čoavdit juoida klássaoktavuođa siskobealde. Go deattu bidjá dakkár bargguide mas iešguhtet ge oahppi beassá dovdat ahte son nákce juoida, de sáhtášii musihkka dagahit ahte oahppi iešdovdu nannejuvvo, ja de attašii buori váikkuhusa su silolaš (mentala) dearvvašvuhtii. Oahpponeavvut Musihkkafága gáibida ollo resurssaid. Go plána deatalaš vuođđojurdagiid galgá čadahit, ja bidjat deattu iešdoibmii de fertejit skuvllas leat valljit oahpponeavvut. Go ráđjosa ráhkada de ferte váldit vuhtii musihkkalaš kultuvrra eanetgeardánvuođa ja báikkálaš musihkkadoaimmaid sierravuođa. Dárbu lea sierra doaibmalatnjii gos gávdno eanas oassi ochpponeavvuin sámi musihkka oahpahussii. Klássalanjain berrejit dábálaččat leat soames biergasat adnomassii, das go musihkka berrešii integrerejuvvot eará fágaide ja doaimmaide skuvllas. Oahpponeavvorájus skuvllas berre sisttisdoallat čuojanasaid, čuojahan- ja bádden rusttegiid, oahppogirjjiid, veahkkegirjjiid, nuohttaávdnasiid, govva- ja jietnaávdnasiid. Váldobarggut ja oassebarggut DOAIMMAT MAIN SUOPMANA GEAVAHA Suopman lea min lagamus ja lunddoleamus musihkkalaš dajaldatgaskaoapmi. Go mánát álget skuvlii, de leat njálmmálaš doaimmat dat oktasaš dovddiidusduogáš mii sis lea go guoská virkus (áktiivvalaš) servvoštallan musihkkalaš gaskomiide. 73

Mønsterplanen 1987 · samiske fagplaner 1989 s. 73 skann 75

Siter