Mønsterplanen 1987 · samiske fagplaner 1989, s. 56 (skann 58)

KAPIHTAL 5 SERVVODATFÁGA 7.-9. LUOHKKÁI Fága doaibma lea nannet nuoraid iešvuođadovddu dan ládje ahte dat maid sii ohppet sámi kulturvrra, giela ja dološ ja dálá áiggiid birra, sáhttá sin veahkehit doahttalit ja árvvus atnit buot dan mii unnitálbmogii gullá ja oahppat váldit ovddasvástádusa unnitálbmoga servvodaga ovdáneamis. Lea dárbbašlaš ahte oahppit ohppet iešguđet lágán kulturvraid birra sihke iežaset riikkas ja eará riikkain, ja ahte sii ohppet oaidnit man dárbbašlaš na-šuvnnalaš ja internašuvnnalaš ovttasbargu lea. Oahppit sáhttet buorebut ipmirdit iežaset eallindili ja earáiguin ovttas váikku-hit dasa jus sii ožžot ipmárdusa mii dat lea mii báidná olbmo eallima lagasserv-vodagas ja stuoraservvodagas. Dát lea hui mávssolaš ohppiid ovdáneapmái šaddat iešbirgejeaddjin servvodagas. Sámi oahppit galget servvodatfágas oahpahuvvot seamma vuođđojurdaga mielde go dábálaš fágaplánas, muhto sámi historjá, kulturvra ja luonddu geava-heapmi ferte čadnojuvvot fága oahpaheapmái. Ulbmil Servvodatfága oahppu galgá: - veahkehit ohppiid iežaset dovdat sápmelažžan, stáhtaboargárin ja máilmmi-boargárin. - fuomášáhttit ohppiid váldit ovddasvástádusa ja beroštit servvodatáššiin. - addit vuđolaš dieđuid máilmmiservvodaga geografia birra ja historjjálaš dáh-páhusáid birra, nu ahte oahppit sáhttet buorebut ipmirdit min iežamet áiggi ja sáhttet oaidnit makkár oktavuohta lea buot das mii lea dáhpáhuvvan. - oahpahit ohppiide mii servvodat lea, movt dat ovdána ja doaibmá, ja movt min beaivválaš eallin ja min eallineavttut mearriduvvojit. - veahkehit ohppiid ipmirdit movt olbmot ja luondu leat heivehuvvon oktii, ja oahppat dovdat hálddašanovddasvástádusa. - veahkehit ohppiid dovdat ja ipmirdit eará olbmuid ja olmmoščearđaid eal-linvuogi ja árbevieruid.

Mønsterplanen 1987 · samiske fagplaner 1989 s. 56 skann 58

Siter