Mønsterplanen 1987 · samiske fagplaner 1989, s. 49 (skann 51)

perspektiivii ja čájehit movt mii ieža leat beassan váikkuhit iežamet servvodatdillái. Dán oktavuođas lea lunddolaš guoskkahit unnitlogu - ja eanetlogo álbmoga gaskavuođaid ja maiddái makkár vuoigatvuođat ja geatnegasvuođat unnitloguálbmogis leat Norggas ja Davviriikkain. Oahppit galget oahpásmuvvat deatalaš sámi organisašuvnnaide ja mot ovttasbargu sámiid gaskkas doaibmá riikarájiid badjel. Oahppit berrejit diehtit movt regionála gávppašeapmi ja márkán lea nannen oktavuođa sámiid gaskka. Mot riikarájit leat hehtten ovttasbarggu ja háddjen min. Oahpaheapmi ferte álggahuvvot lagasbirrasiin ja leahket vuođđun oahpaheapmái Norgga ja Davviriikkaid birra. 1.-3. luohkká Gártadiehtu: Hárjehallat gártta geavahit. Oahppit govvidit birrasa láirriiguin, bábirdáiggiiguin ja eará ávdnasiiguin. Lagasbiras: Veaháš ealáhusaid ja servvodaga birra. Sápmi lea juohkkojuvvon njealji riikii. Davviriikkat. 4.-6. luohkká Gártadiehtu: Oahppit govvidit luonddu láirriiguin, bábirdáiggiiguin ja eará ávdnasiiguin ja oahppit geavahit iešguđet lágan gárttaid. Norgga gárten, stuorámus gávpogat, stuorámus jogat. Ravdagovva eará Davviriikkain. Gávpebáikkit ja eará stuora gávpogat. Lagasbiras: Mo lagasbiras doaibmá odne, dovdomearkkat. Gielddastivra ja mot dat válljejuvvo. Sápmi: Erenoamáš geográfalaš dovdomearkkat Sámis. Ássan ja ealáhusat. Iešguđet lágan suopmanat ja biktasat Sámis. Sápmelaččat gullet ovtta čerdii vaikko ásset njealji riikkas. Norga ja eará Davviriikkat: Geográfalaš dieđut. Mot stuoraservvodat doaibmá. Stivrejupmi. Bellodagat. Mot dákkár stivrejupmi lea váikkuhan Sápmai ja sámiide? Sámi vuoigatvuođat ja stuoraservvodat: Unnitlogu ja eanetloguálbmogat. Makkár vuoigatvuođat ja geatnegasvuođat leat sámiin servvodagas. Geat ovddidit sámiid oainnuid? Sámi organisašuvnnat ja searvvit. Rájit sámis. Davviriikkaid Sámiráđđi, Sámi Instituhtta. Mot riikarájit leat hehtten ovttasbarggu ja háddjen min. Láhka ja riekti: Njuolggadusat ja lágat ruovttus, skuvllas ja lagasbirrasis. Láhkarihkkun ja ránggáštus. Mot dáža láhka lea váikkuhan sámi árbevirolaš doaimmaide. Johtolat ja mátkkošteapmi: Mátkkošteapmi ja gálvofievrredeapmi dolin. Márkánbáikkit. Mot gálvofievrredeapmi lea rievdan ja ovdánan. Deatalaš johtolatgeainnut ja márkanat. OKTAVUOHTA JA OVTTASBARGU OLBMUID JA ÁLBMOGIID GASKKAS Dát váldobargu galgá addit ohppiide dieđuid, oainnuid ja vuođđodovdduid mat veahkehit sin ovttasbargat ja doaimmat earáiguin searválága álggos lagas birrasis, ja dasto dađistaga stuorát servvodat oktavuođain. Skuvlabirrasis mánát besset oahpahallat ovdanbuktit oaiviliiddiset ja riidduid čoavdit. Dán láhkáii sii áddegohtet demokráhtalaš árvvuid. Muhto dáidu doaibmat demokráhtalaš vugiid mielde ii okto dáhkit beaktilis ja konstruktiivvalaš ovttasbarggu. Maiddái iešluohttámuš ja nana iešdovdu lea deatalaš ovttasbarggu oasseváldimis, earenoamážit 49

Mønsterplanen 1987 · samiske fagplaner 1989 s. 49 skann 51

Siter