Mønsterplanen 1987 · samiske fagplaner 1989, s. 47 (skann 49)

Eará diehtočoagginvuogit: Ráhkadit álkis gažadanšemaid ja dulkot bohtosiid. Girjerádjosa ja eará diehtoguovddážiid geavahit, dahje dáhtorvuorkkáin dieđuid čoaggit, dáhtorregistariin j.n.a. Registreret ja ordnet: Geavahit veahkkeneavvuid nugo omd. jietnabátti ja govaid. Beaivegirjji čállit. Sirret. Álkis kártotehka ráhkadit ja geavahit. Prošeakta: Hárjánit ja dovddiidit mot gažadagaid divvu, plánet ja čađahit prošeavttaid. Bohtosiid birra ságastallat ja bargovugiid veardidit. Viidábut bargat ja čilget bohtosiid ja vásihusaid: Álkis dieđáhusa čállit. Ráhkadit obbalaš geahčastaga ja govaid ja govvaráidduid oktan teavsttain. Diđoštusaid ja čájáhusaid ráhkadit skuvllas ja lagas birrasis. MÁNÁID BEAIVVÁLAŠ EALLIN Dát váldobargu gieđahalla beaivválaš doaimmaid ruovttus, skuvllas ja lagas birrasis. Oahpaheami vuođđun leat dovddiidusat, beroštumit ja áigeguovdilis dáhpáhusat ja oahpaheami galgá čadnot bargguide mat ovddidit praktihkalaš máhtu mas oahppit ožžot ávkki beaivválaš eallimis. Oahppit galget oahppat ahte maiddái sis lea ovddasvástádus ruovttus, skuvllas ja ustit joavkkus. Sii galget oahppat gudnejahttit olbmuid geain lea iešguđet lágan duogáš. Dás berre deattuhuvvot ahte mánga kultuvrra ovtta sajis sáhttet leat riggodahkan birrasii. Mánga oassebarggu váldet ovdan ovttadássásašvuođa nissoniid ja dievdduid gaskka. Johtolatoahppu galgá čadnot máná oahpes birrasii. Algo oahpahus ealáhusaid ja fitnuid birra ferte čadnot váhnemiid ja eará oahppásiid fitnuide ja ruovttubáikki ealáhusaide. 1.-3. luohká vuollái leat váldon mielde oasit ruovttuoahpus. Muđui leat fáttat mat gusket ruktui ja bearrašii bidjon ruovttudoalu oahppoplánii. 1.-3. luohkká Ovddasvástádus ruovttu oktavuođas: Mángga lágan bearrašat. Váhnemiid, vieljaid ja oappáid gaskavuohta. Ovttasbargu ruovttus. Biebmu. Álkis borramušráhkadeapmi. Lummaruhta. Fuolkkit, fáddarat, gáimmit. Leat mánnán: Eatnigiella. Stohkosat, máidnasat, mánáidkultuvra. Mánát eará servvodagain. Skuvla - bargosadji: Skuvlii álgit. Sámegielat ja dárogielat klássat. Eai buot sámimánát máhte sámegiela. Muhtun oahppit fertejit orrut internáhtas. Ná mii oahppat, skuvlabarggut ja bihtát/leavssut. Klássabiras. Klássaráđđi. Ránnágođđi: Mánggalágan ássanbirrasat. Ránnágođđái gullat. Mánát mánggalágan duogážiin ja iešguđet lágan eavttuiguin. Ovttáárvosašvuohta, soabalašvuohta, gudnejahttin. Lagas biras: Luonddubirrasa iskkadit. Kultuvrafálaldagat, astoáigedoaimmat. Praktihkalaš veahkkebarggut. Johtolat: Skuvlageaidnu. Johtolatmearkkat, johtolatnjuolgadusat. Gos sikelastit ja čierastallat? Muohtascooter. Kollektiivvalaš johtolat. Barggut: Bargu ruovttus, skuvllas, lagasbirrasis. Váhnemiid, ádjáid, áhkuid ja eará oahpes olbmuid barggut/fitnut. Movt bargojugadeamit leat rievdan nissoniid ja dievdduid gaskka.

Mønsterplanen 1987 · samiske fagplaner 1989 s. 47 skann 49

Siter