Mønsterplanen 1987 · samiske fagplaner 1989, s. 46 (skann 48)

Dán láhkái oahppit hárjánišgohtet oaidnit iežaset barggu ulbmila ektui ja dan obbavuođa ektui masa gullá. Oahpponeavvu Molsašuddi bargovuoigit gáibidit ahte ohppiin lea vejolašvuohta geavahit mánggalágan oahpponeavvuid. Skuvllas galget leat doarvái oahpponeavvut nu ahte aktiivvalaš ja konkrehtalaš oahpaheapmi buot osiin birasfágas lea dáhkiduvvon. Skuvlabibliotehka gos leat diehtogirjjit heivehuvvon mánáid dássái, lea dárbašlaš. Skuvllas galget leat gárttat, globusat, govat, jietnabáttit ja luonddufága oahpaheami čájehallanneavvut. Konkrehtalaš ja áigeguovdilis oahpaheamis ferte maiddái atnit mánggalágán gálduid lagas birrasis, dego báikkálaš áviissaid, dávvirvuorkkáid ja olbmuid iešguđet lágán vásihusaiguin. Lagas biras galgá geavahuvvot oahpporessursan. Váldobarggut ja oassebarggut BIRASDIĐOŠTALLAN Birasfágas leat bargovugiid gávdnan, registreren, viidásitbargan ja dieđuid ovdanbuktin maiddái mávssolaš oasit oahppoávdnasiin. Oahppit fertejit beassat dovddiidit man somá lea aktiivvalaččat diđoštallat birrasa. Sii fertejit hárjánit dieđuid čoaggit mátkkoštemiid, gažademiid ja iskkademiid bokte, ja bargat viidáseapput daid dieđuiguin, dulkot daid ja gávdnat vuogas vugiid ovdanbuktit bohtosiid: njálmmálaččat, čálálaččat, gráfalažžat, sárguma ja čájáhallama, bokte. Oahppit galget dađistaga šaddat eambbo ja eambbo ráđálažžan plánet birasdiđoštallama, ja bohtosiiguin viidáseapput bargat vuorčámušaid ja ulbmiliid ektui. Dás namuhuvvon vuogit galget geavahuvvot barggadettiin eará váldobargguiguin, dat eai galgga šaddat sirrejuvvon teknihkkan. 1.-3. luohkká Dáidduid geavahit systemáhtalaččat: čoaggit dieđuid, omd. geahčadit áššiid ja dáhpáhusaid luonddus, guldalit elliid jienaid, iskkadit ávdnasiid, haksit ja máistit iešguđet lágan ádaid. Mátkkošteamit: Mátkkit lagas birrasis čoaggit ávdnasiid ja dieđuid luonddu ja servvodaga birra. Ráhkkananbargu ja loahpahanbargu. Eará diehtočoagginvuogit: Jearahallat álkis gažaldagaid, merket vástádusaid. Dulkot govaid ja gártta. Diehtogirjjiid geavahit. Registreret ja ordnet: Dieđuid rádjat tevnnegiid ja sárgumiid bokte, muitošániids j.n.v. sirret. Álkis kartotehka geavahit. Viidábut bargat ja čilget bohtosiid ja vásihusaid: Muitalit, čájáhallat, tevdnet. Ráhkadit álkis gráfalaš govvideami, govaid, málliid ja eará bohtosiid. Čájáhusaid ráhkadit skuvllas. 4.-6. luohkká Iskkadit: Plánet ja čađahit iskkademiid. Álkis mihtidanneavvuid geavahit. Mátkkošteamit: Plánet mátkkoštemiid čoaggit dieđuid omd. bargosajiin, dávvirvuorkkáin, kulturramuittuin iešguđet lágán eanangáhppálagain, iešguđet lágan vuođđohámiin. Loahpahanbargu. 46

Mønsterplanen 1987 · samiske fagplaner 1989 s. 46 skann 48

Siter