Mønsterplanen 1987 · samiske fagplaner 1989, s. 38 (skann 40)

5.-6. luohkká Mii ja earát: Biktasat, sturrodat, ahki, nieida, bárdni. Ruoktu: Beaivválaš eallin, joavku. Gávppášeaþmi ja bálvalusat: Ruđat, gávppit, báŋku, boasta, telefuvdna, politiia. 7.-9. luohkká Gaskavuohta earáide: Govviidit olbmuid. Ustitvuohta. Riiddut. Ovddasvástádus ja geatnegasvuohta. Ruoktu ja ruovttu biras. Ruovttu dábit. Ruoktu ja ruovttu biras: Beaivválaš eallin. Fuolkkit ja joavku. Dálki. Jahkodagat. Govviidit báikkiid. Áigeguovdilis dáhpáhusat. Luondu. Luonddu gáhtten. Vierut ja árbevierut: Biebmu. Duodji. Náitaleapmi ja gásttašeapmi. Luođit, lávlagat ja sálmmat. Bargu ja friddjaáigi: Eanadoallu. Boazodoallu. Meahcceealáhus. Guolásteapmi ja bivdin. Eará fitnut. Meahcastallan. Falástallan. Vánddardeapmi, gávppášeaþmi ja eará bálvalusat: Movt birgehallat olgoriikkas. Veahkehit olgoriikalačča. Ruđat. Báŋku. Boasta. Telefuvdna. Politiia. Duollu. Toga. Biila. Fanas. Girdi. Áigi. Deavdit blankeahtaid. DOVDDIIDIT ENGELASGIELAT MÁILMMI Oahppit galget oahppat makkár sadji engelasgielas lea otnáš máilmmis. Sidjiide galgá muitaluvvot gos engelasgiella lea našunálgiella, gos dat lea oktasaš giella ja unnit álbmogagiella. Engelasgielmáhttu addá mávssolaš vejolašvuođaid ohppiide go sii mannil galget lassioahpu váldit ja bargguide álgit. Sii galget dovddiidit guovlluid gos engelasgiella geavahuvvo, sihke Norggas ja olggobealde Norgga rájiid. Girjjálašvuohta, lávlagat ja divttat sáhttet leat sihke oahppun ja illun. Lea deahalaš ahte oahppit nu árrat go vejolaš bargagohtet oahppoávdnasiiguin mat leat váldon albma eallimis. Oahppit galget beassat gullat movt sánit sáhttet daddjot iešguđet ládje engelasgillii, ja oahppat dohkkehit daid seammádássásažžan. Lea lunddolaš bargat ovttas fágaid gaskka go lea oahpaheame eará riikkaid servvodatdili birra. Dan sáhttá dahkat jus ovttasta fágaid ovtta tema birra, dahje jus geavaha eará fágaid oahpu ja bargovugiid engelas diimmuin. Ohppiide geain engelasgiella lea goalmmát giellan, lea lunddolaš fievredit dan engelasgielas eará fágaide. Engelasgiellaoahpaheamis galgá atnit ávkki dan veahkis maid sáhttá oažžut ohppiid ruovttuin ja ruovttuguovlluin (engelasgielagat klássas, mátkkošteamit jna.). 5.-6. luohkká Engelasgielat riikkaid olbmot: Stohkosat, barggut, beaivválaš eallin, skuvlavázzin ja mánáid friddjaáigi. 7.-9. luohkká Engelasgielat riikkaid olbmot: Dovddiidit veaháš iešguđet riikka beaivválaš eallimii. Stoagus ja bargu, skuvla ja friddjaáigi, engelasgielat riikkaid vierut ja dábit Engelasgiella iešguđet riikkas: Movt engelasgiella hubmojuvvo iešguđet guovlluin. Veaháš geografia, historjjá ja servvodatdili birra. Engelasgiella internašuvnnalaš giellan: Servvodatosiin gos engelasgiella adno. Reivviid čálašeapmi. 38

Mønsterplanen 1987 · samiske fagplaner 1989 s. 38 skann 40

Siter