Mønsterplanen 1987 · samiske fagplaner 1989, s. 37 (skann 39)

Ii leat vejolaš ovdagihhtii diehtit guhte oahpahanvuohki heive buoremusat guđege oahppái. Engelasgiellaoahpaheaddji berre dakkár bargomáliid geavahit mat addet oadjebasvuođa. Ohppiid ferte maiddái veahkehit vai oaidnigohtet giellameattáhusain ávkki. Dan sadjái go ballat boastuvuođaid dahkamis, galggaše oahppit ipmirdišgoahtit ahte sii ohppet iežaset meattáhusain. Lea hui dehálaš gáhttet dan oahppanilu ja oahppanmovtta mii ohppiin lea go álget engelasgiellaoahpuin. Berre engelasgiela oahpaheamis atnit ávkki dan ipmardusa ja máhtus mii ohppiin lea eatnigielas. Engelasgiela sáhttá maid atnit gaskaoapmin go bargá eará fágaiguin ja temaiguin. Njálmmálaš giellageavaheapmi lea deahálaščamus juohke luohkás. Oahppit berrejit fuomášit ahte vaikko eai leat oahppan go álkkes vuođđo-osiid amas gielas, de almmage lea muhtun áššiin vejolaš gulahallat bures amasgielain. Berre maid ohppiid fuomášuhttit soames vugiid movt sáhttet čoavdit giellavátisvuođaid mat čuožžilit go galget hupmat dahje ipmirdit engelasgiela, ja dákko bokte duostagohtet ja háliidišgohtet oahppit geavahit iežaset giellamáhtu. Skuvla galgá atnit beroštumi dieđihit váhnemiidda movt oahpaheapmi engelasgielas lágiduvvo. Dán áigge go giellaoahpaheapmi čađat rievddada, lea dakkár dieđiheapmi mávssolaš. Oahpponeavvut Skuvla galgá válljet dakkár oahpponeavvuid maid sáhttá mángga ládje geavahit. Mángga lágán teavsttaide lea dárbu (geahča váldobarggu: iešguđet lágan teavsttat). Dáid teavsttaid galgá leat álki gávdnat, sihke oahpaheddjiide ja ohppiide, girjerádjosis dahje skuvlalanijas. Dát guoská maid biergasiidda mat galget adnot oahpponeavvuid báddemii, čuojaheapmái, čájeheapmái ja ráhkadeapmái klássas (seaidneáviissat, jietnaprográmmat jna.). Váldobarggut ja oassebarggut Deadddu lea biddjon oassebargguide mat galggaše movttidahttit ohppiid geaidda engelasgiella lea goalmmat giellan. Dakkár válljen mielddisbuktá ahte oassebarggut mat ovdal leat leamaš hehttehussan oahpaheapmái, unnot dahje gártet juo áibbas eret. Deaddu biddjo baicca daidda oassebargguide mat earenoamážit gullet iešguđege sámi birrasiis. Oassebarggut main lea unnán oktavuohta sámi birrasiin, eai leat ožžon nu deahálaš saji plánii. TEMA Dán váldobarggus lea lagas oktavuohta váldobargguin «Giela geavaheapmi -giela doaibma». Oahppit berrejit leat mielde válljeme temá. Guovllu earanoamašvuohta mearrida muhtin temáid válljema. Dát rahpá stuorit vejolašvuođa heivehit oahpu sámikultuvrii. Eará temáid sáhttá válljet ohppiid beroštumi ja eará fágaid ja oassebargguid vuođul. Dakkár tema-válljen berre leat veahkkin ovddidit ohppiid máhtu ja hárjehit sin doaibmat olggobealde skuvlalanja. 37

Mønsterplanen 1987 · samiske fagplaner 1989 s. 37 skann 39

Siter