Mønsterplanen 1987 · samiske fagplaner 1989, s. 25 (skann 27)

7.-9. luohkkái Diehtu girku birra: Girkohálddahusat, mearrádusat girkoortnega hárrái, báikkálaš girkohistorjá, girkogárdi, dáidda, lávlun, kristtalaš govvidusat. Girkojáhki, basit ja allabasit ovdal ja dál. Searvegoddi: Bassi Vuoiŋŋa duodji, girkolaš oahpaheapmi, searvvit ja čoagganeamit nuoraide, diakonia, mišunsearvvit. Ipmilbálvalus ja girkomeanut: Bajásráhkadus ja váldooasit Ipmilbálvalusas, liturgia mii geavahuvvo báikkálaččat, sakramenttat, konfirmeren, vihaheapmi, hávdádeapmi. Iešguđet lágan kristtalaš oskkuservvodagat: Oskkuservvodagat báikkálaš birrasis mat gullet oskkuservvodagaide Norggas. Duogáš ja historjá, oahppu, ipmilbálvalusvuogit, lávlun ja musihkka, ovddasmorašbargu, doaibma siskobealde ja olggobealde báikkálaš birrasa, mišundoaibma. Greiakalašortodoksalaš girku sámiid gaskkas. GIRKU ÁIGGIID ČAĐA Bargu galgá addit oahpu girku ovdáneami birra boares girkoáiggi rájes dálážii. Ulbmil dáinna bargguin galgá leat čájehit movt girku doaibmá. Deaddu galgá biddjot válljejuvvon áiggiide ja surggiide ja persovnnaide guđet ledje deahálaščat iešguđetge áiggis. Dat maid girku ja kristtalašvuohta lea mearkkašan ja ain mearkkaša dáidagii, girjjálašvuhtii ja diehtagii, galgá čujuhuvvot ja maiddái dat maid osku ja girku leat mearkkašan olbmuide beaivválaš eallimis. Lea deahálaš ahte bargu mišunhistorjjáin ja otnáš mišuvnnain váldojuvvo ovdan. Galgá biddjot deaddu báikkálaš girkohistorjái. Oahpaheapmi galgá oažžut ovdan sihke buriid ja heajut beliid girkus ja dan movt girku lea váikkuhan ja ain váikkuha. Seammás lea deahálaš ahte oahppit oaidnit ja ohppet veardidit daid beliid dan áiggis masa dat gusket ja masa girku maid gullá. Sihke dievdduid ja nissoniid árja galgá čujuhuvvot. Dán bargus vuolde berrejit oahppit beassat oaidnit osiid oahppaávdnasiin go ohcet dieđuid girkohistorjjás. Dat bargu berre čadnot birasfágai ja servvodatfágai. Oahpaheapmi galgá deattuhit ollislaš gova ja čájehit oktavuođaid girkohistorjjás. Lea deahálaš deattuhit movt kristtalaš girkoservvodagaid ovttasbargu lea ovdánan sihke riikka siste ja riikkaid gaskka. Dán barggus lea maid goalmmát osku artihkal guovddážis. 1.-3. luohkkái Hellodagat: Hellodatbasit, vuosttaš searvegoddi, hellodagat girku riegádanbeaivin. Báikkálaš girkohistorjá: persovnnat, dáhpáhusat, girkoviesut. Mišuvdna: Mišunguovllut, mišunearat, mišunmuitalusat, veahkkebargu. 4.-6. luohkkái Hellodagat: Bassi Vuoiŋŋa, dáhpáhusat ja váikkuhusat. Basuheapmi ovdal ja dál. Goalmmát osku artihkkal. Girku boares áiggis: Álgogirku ja Paulus, Mártyrgirku, riikkagirku. Girku gaskáiggis: Girku ja kristtalašvuođa doaibma bassin ja árgan, eallin klosteris, dáidda ja kultuvra. Riidu gaskal girku fámuid ja máilmmálaš fámuid. Reformašuvdna. Kristtalašvuohta boahtá Norgii: Osku ja eallin vikingáiggis. Sámi mytologia. Moridahttinbargu kristtalašvuhtii. Girku- ja kristtalašvuođa doaibma, báikkálaš 25

Mønsterplanen 1987 · samiske fagplaner 1989 s. 25 skann 27

Siter