Mønsterplanen 1987 · samiske fagplaner 1989, s. 26 (skann 28)

girkohistorjá, moridahttinbargu kristtalašvuhtii sámiid gaskkas. Mišuvdna: Biibbal vuođđun mišuvdnii. Girku ja mišuvdna. Mišuvdna sámiid gaskkas, mišuvdna ja dáruiduhttin, mišuvdna ja veahkkebargu, mánát eará riikkain, máilmmi mišuvdna. 7.-9. luohkkái Reformašuvdna: Duogáš ja ovdáneapmi, Mártin Luther, reformašuvdna Norggas. Norgga girku ja kristtalašeallin maŋŋil reformašuvnna: Petter Dass. Pietisma, rašunalisma. Sálbmačállit ja sálbmagirjjit. Sámegiel sálbmagirjjit ja sálbmačállit. Lávlagirjjit. Girjjit ja bláđit bajásráhkadussan. Hans Nielsen Hauge, morideamit ja lihkadusat maid sárdnideaddjit álggahedje. Anders Fjellner. Lars Levi Leastadius ja leastadiánalaš osku suorgi. Liberála teologia. Girku maŋemus soađi áiggi. Mišuvdna: Láidesteaddji mišuvdna, Norgga mišunhistorjá, Norgga mišunsearvvit. Mišuvnna deaivvadeapmi eará kultuvrraiguin ja oskuiguin, mišuvdna odne. Mišunbargu sámiid gaskkas. Mišuvdna ja dáruiduhttin. Sámi mišuvdna. Girku sámi ássanguovlluin, ovttasbargu gaskal riikkaid. Kristtalašvuohta min áiggis: Ovttasbargu gaskal girkoservvodagaid (økumenihkalaš lihkadus) Norggas ja riikkaid gaskkas. Kristtalaš organisašuvnnat, kristtalaš osku servvodagat, iešguđet lágan suorggit teologias, sosial-ávddalaš lihkadus, karismáhtalaš lihkadus. Nissonolbmot ja girku. Kristtalaš lávlun ja musihkka. Ođđasit sámegiel sálbma- ja lávllačállin. Girku ja kultuvra máilmmálašvuođa laskan. Dilálašvuohta gaskal almmolaš girku ja leastadiánaláččaid. Girku ovddasvástádus ja geatnegasvuohta servvodagas. Sámi girjjálašvuohta. DON JA MUN Dát váldobargu galgá ovddidit dieđu ja ipmárdusa dan ovddasvástádussii mii olbmos lea iežas ja earáid ovddas. Oahppi galgá oahppat diehtit maid dat mearkkaša ahte leat rievttalaš, rehálaš, oskkáldas, vuoiggalaš ja ahte olbmos lea geatnegasvuohta earáid ektui, máid mearkkaša čájehit lagamužžii ráhkisvuođa ja oasálašvuođa beaivválaš eallimis. Dat árvvut searválaigaid ovttadássásašvuođain, dohkkehemiin ja gierdavašvuođain leat mearrideaddjin buori oktavuhtii olbmuid gaskkas. Lea deahálaš ahte oahppit ožžot oahpu ja ipmárdusa Biibbala nuolggadusaid hárrái ja dan mii Biibbalis lea árvvus adnojuvvon eallima ektui. Várresárdni, erenoamážit báhkkon ráhkisvuođa birra lagamužžii ja vuogas eallinnjuolggadus, logi báhkkoma ja ovdamearkkat Jesusa eallimis ja oahpus leat dás guovddážis. Barggadettiin dáinna osiin galget ávddalašvuođa gažaldagat obbalaččat guorahallojuvvot ja maiddái gažaldagat mat ohppiide leat áigeguovdilat. Ávddalašvuođa gažaldagat galget heivet ohppiid beaivválaš eallimii ja sin fuomášumiide. Lea erenoamáš deahálaš ahte lea oktavuohta gaskal dan maid oahppit ohppet ja dan mainna lágiin sii dan ohppet. Oahppit galget beassat doaimmahit ovddasmorraša, váldit ovddasvástádusa ja čájehit dohkkeheami earáide. Dán barggus lea lagas oktavuohta daidda eará váldobargguide. 1.-3. luohkkái Riekta ja boastut: Rehálašvuohta, dat mii lea du ja mu, duohtavuohta ja gielis, oamedovdu, ovddasvástádus daguidis ovddas. Buorre ja heajos báidnojupmi mángga guovllus. 26

Mønsterplanen 1987 · samiske fagplaner 1989 s. 26 skann 28

Siter