Mønsterplanen 1987 · samiske fagplaner 1989, s. 24 (skann 26)

Váttisvuohta bahávuodain máilmmis: Olmmoslaš bahávuohta, suddu, ovddasvástádus válljejumi ja daguid dihte Ipmil ja olbmuid ovddas. Suddui jorralepmi. Ipmil ja bahávuohta. Ipmila ráhkisvuohta. Osku ja kristtalaš eallinoaidnu: Láhka ja evangelium, suddu, árbmu ja bestojupmi, ođđa eallin. Osku ja eahpádus, bálvalus ja oskkáldasvuohta, ándagassii addin ja gierdavašvuohta, ráhkisvuohta ja servvodatvuohta. Servvolášvuohta Ipmiliin. Bassi Vuoigŋa, árbmuattáldagat. Doaivva agálaš eallimii. Oskku oahppu. Persovnnaid birra. Leastadiánalaš oskkusuorgi sosiálalaš oassin. Dovddahan vuogit: Servvolášvuohta ja ovddasmoraš. Rohkos, lávlun ja musihkka. Iešguđet lágán ipmilbálvalus- ja čoakkalamasvuogit. Kristtalaš nuoraidbargu. Kristtalašvuohta movttiidahttin – vuoibmin dáidagii ja kultuvrii. Čájálmas. Sámi musihkka ja vierut, sámi girjjálašvuohta ja dáidda. GIRKU JA KRISTTALAŠ EALLIN RUOVTTUBÁIKKIS Oahppit galget oahppat Norgga girku birra ruovttubáikkis ja vákšut huksenmálliiid, govvidusmearkkaid ja dáidaga girkus ja eará kristtalaš čoakkalmasviesuin. Oahppit galget oahppat dovdat kristtalaš eallima ruovttubáikkis, nu ahte sáhttet oažžut ipmárdusa ja oaidnit mii kristtalašvuohta lea. Oahppit galget maid oahppat daid iešguđet lágán kristtalaš oskkuservvodagaid birra min riikkas nu ahte sáhttet sulastahttit ja earuhit daid. Lagas searvebargu searvegottiin, organisašuvnnaiguin, kristtalaš oskku servviiguin ruovttubáikkis lea dárbbašlaš go galgá oahppat ja oaidnit movt kristtalašvuohta doaimma. Lávlun ja musihkka, Ipmilbálvalusat, girkomeanut, čoakkalmasmállet, mánáid ja nuoraidbargu, mišunbargu ja diakona bargu leat dehálaš oasit kristtalaš eallimis ruovttubáikkis ja oahppit galget oažžut dieđu daid birra. Sii galget maid beassat leat mielde ovddasmorašbargguin ja heivvolaš veahkehallanbargguin. Goalmmát oskku artihkkal lea guovddážis dán barggus. 1.–3. luohkkái Diehtu girku birra: Girkut, eará ipmilviesut, huksenmállet. Ipmilbálvalus, gásta, girkojáhki. Searvegotti eallin ruovttubáikkis: Basit ja allabasit. Viessočoakkalmasat ja stuora čoakkalmasat, sotnabeaiskuvla. Kora ja korálávlun. Searvvit, mánáid-ja nuoraidsearvvit, čoagganeamit. Eará kristtalaš searvegottit. Veahkebargu, mišuvdna. 4.–6. luohkkái Diehtu girku birra: Girkut ja rohkosviesut ovdal ja dál, huksenmállet, govvidusmearkkat, dáidda, musihkka. Girkojáhki. Girkobargit, iešguđet lágán bálvalusat. Báikkálaš girkohistorjá. Girkomeanut: Gásta, konfirmeren, rihpat ja eahkedis mállásat, hávdadeapmi. Girku doaimmas: Bassi Vuoigŋa searvegottis, Ipmilbálvalus, rohkos, lávlun ja musihkka. Barggut, diakonia, mišuvdna, ovdanahttinveahkki. Iešguđet lágán kristtalaš oskkuservvodagat: Ipmilviesut, huksenmállet, govvidusmearkkat, iešguđet lágán ipmilbálvalus vuogit, girkomeanut, mearkkabeaivvit eallimis, doaimmat olggobealde searvegotti ja searvegotti siste, lávlun ja musihkka, mišuvdna.

Mønsterplanen 1987 · samiske fagplaner 1989 s. 24 skann 26

Siter