Mønsterplanen 1987 · samiske fagplaner 1989, s. 23 (skann 25)

obba máilmmálaččat. Mišunearaid bargu gullá maid dása ja nu maiddái martyrat ovddeš áiggis ja dán áiggis. Galgá boahtit ovdan ahte eahpádus ja osku, vuoittahallan ja jeđđehus gullet lunddolaččat eallimii, seamma ládje maid makkár vejolašvuođaid kristtalaš doaivva addá. Oahppit galget oažžut ipmárdusa movt bahávuohta bidjá rájiid gaskal Ipmila ja olbmuid ja maiddái olbmuid gaskii. Galgá čujuhuvvot dasa movt ándagassii addin olbmuid gaskka sáhttá áddit ođasmáhttojumi searvevuhtii ja ráhkisvuhtii. Ipmila árbmu, ándagassii addojupmi ja bestojupmi galgá leat guovddážis oahpaheamis. Dát bargu galgá maid čájehit movt kristtalašvuohta lea movttiidahttán dáiddariid ja girječálliid áiggiid čađa ja mii kristtalaš oskkus lea leamaš dadjamuššan ražadettiin olmmošárvvu, vuoigatvuođa ja oktiigullevašvuođa ovddas. Oskku artihkkalat ja sakramenttat leat deahálašččat dán barggus. 1.-3. luohkkái Olbmot ja oaidnu olbmui: Buorre ja bahá mánaid ja olles olbmuid gaskkas. Illu ja oadjebasvuohta. Olmmoš sivdniduvvon Ipmila gova mielde. Olbmo árvu. Seamma dássásašárvu. Ipmila ráhkisvuohta ja ovddasmoraš. Dohkkeheapmi, ovddasvástádus earáid ovddas. Osku ja doaivva: Luohttámuš ja osku Ipmilii. Giitevašvuohta, illu ja oadjebasvuohta. Behtolašvuohta ja ándagassii addin. Eahpádus ja osku. Oamedovdu. Persovnnaid birra: Ovdamearkkat Biibbalis ja beaivválaš eallimis. Dovddahanvuogit: Rohkos ja mánaid máidnunlávlun. Kristtalaš mánaidlávlagat, mánaidgirjjit, govvidan dáidda, čájálmas. Sámi lávlagat ja vierut, sámi mánaidgirjjálašvuohta ja dáidda. 4.-6. luohkkái Olmmošárvu: Olmmoš Ipmila sivdnádussan. Iešdovdu, iežas ja earáid dohkkeheapmi, seamma dássásašárvu, ovttadássásašvuohta gaskkal nissonolbmuid ja dievdoolbmuid, olmmošvuoigatvuođat. Stuorát ja unnit álbmogiid ja álgoálbmogiid gaskavuođat. Bahá ja gillámuš máilmmis: Gillámuš ja heahti, sivat bahái. Suddui jorraleapmi. Buorrevuohta ja bahávuohta olbmos. Oamedovdu. Lagamužžan nuppi olbmui. Ovddasvástádus veahkehit. Osku ja doaivva: Rahčamuš buorevuođa ovddas. Ráhkisvuohta ja servvolašvuohta. Ándagassii addin. Searvevuohta Ipmiliin, suddu, árbmu ja bestojupmi. Illu ja oadjebasvuohta. Osku ja eahpádus. Persovnnaid birra dološáiggis ja dálášáiggis. Mišunearat. Sárdnideaddjit ja searvegotti njunnožat. Dovddahanvuogit: Servvolašvuohta ja ovddasmoraš. Rohkos, lávlun ja musihkka. Kristtalaš girjjálašvuohta mánaide ja nuoraide. Kristtalašvuohta dáiddas ja kultuvrras. Čájálmas. Kristtalaš dábit ja vierut ovdal ja dál. Sámi lávlagat ja vierut, sámi mánaidgirjjálašvuohta ja dáidda. 7.-9. luohkkái Olmmošárvu: Iešdovdu ja iešgovvidus. Jáhkku iežas árvui, návccat buorrevuhtii. Dohkkehit ja doahttalit earáid. Olmmošvuoigatvuođat, seammaárvu, ovttadássásašvuohta. Olmmoš sivdniduvvon Ipmila gova mielde. Iešguđet lágan oainnut olbmo ektui. Álgoálbmogiid ja unnit álbmogiid vuoigatvuođat iešdovdu, unnit ja stuorát álbmogiid gaskavuođat. 23

Mønsterplanen 1987 · samiske fagplaner 1989 s. 23 skann 25

Siter