Mønsterplanen 1987 · samiske fagplaner 1989, s. 22 (skann 24)

Historjá israelálbmoga birra: Abraham, Isak, Jakob, Josef, israelihttalaččat Egyptenis, eret vádjoleapmi ja eatnama oamasteapmi, Moses ja Josva. 4.–6. luohkkái Biibbaldiehtu: Sisdoallu ja ráhkadeapmi, movt Biibbal lea šaddan. Biibbala geavaheapmi: Movt gávdnat Biibbalis, lohkat ja geavahit Biibbala. Giella- ja govageavaheapmi. Biibbal Ipmilsátnin midjiide odne. Masa sáhttá Biibbal addit vástádusa. Historjá israelálbmoga birra: Sisavádjoleapmi, duopmáráigi, gonagasáigi, pro-fehtat ja sáhka. Sálmmat. Bestojumi historjá: Ipmila almmustus ovddeš áiggi ja dán áiggi. Oktavuohta ja váldooasit bestojumi historjjá govvideami hárrái, nugo oktavuohta ja váldooasit mat gullet sivdnideapmái, suddui jorraleapmi, Israel-álbmot, Jesus Kristtus, Bassi vuoigŋa ja kristtalaš girku. Oskku oahppa. 7.–9. luohkkái Biibbaldiehtu: Biibbala čállagat ja čálaoasit. Gaskavuođat gaskal Boares ja Ođđa testamentta. Biibbal Ipmila sátnin. Biibbaldutkan, Biibbaloaidnu, Biib-baljorgaleapmi, Biibbala lávdadeapmi, Biibbalmišuvdna. Biibbalgiella, sánit ja dadjanvuogit sámiid oskkugielas. Biibbal jorgaleamit sámegiellii gielalaččat ja kultuvrralaččat. Biibbalgeavahus: Bargu biibbalteavsttaiguin. Biibbal ja eallima gažaldagat. Biibbal njuolggadussan ja ájan searvegottis eallimii. Biibbala geavaheapmi ja boasttu geavaheapmi. Giella- ja govageavaheapmi. Israelálbmoga historjá: Dábit ja vierut boares testamenttalaš áiggis. Olggos-áidjináigi, ruoktot máhccan Babylonas. Messiasvuordin. Juvddálaččat grehkalaččaid ja romalaččaid vuolde. Juvddálaččaid doarrádallan ovdal ja ođđasit áiggi. Juvddálaš Messiasvuordin odne. Bestojumi historjá: Ipmila bestojumi áigumuš. Biibbala oaidnu historjái ja boahtteáigái. Israel álbmoga historjá bestojumi historján, kristtalaš girku, Bassi Vuoigŋa, Jesusa boahtin, ođđa albmi ja ođđa eanan. Oskku oahppu. OLMMOŠ JA KRISTTALAŠ OSKU Dán barggus galget oahppit oažžut oahpu kristtalaš oainnu birra olbmo ektui ja ahte maid mearkkaša leat olmmožin. Dat oaidnu ahte olmmoš lea sivdni-duvvon Ipmila gova mielde, galgá leat vuođđun oahpaheapmái. Das lea jurddan ahte buot olbmuin lea geažetmeahttun árvu nu go sii leat, ležžet dál nisso-nolbmot dahje dievdoolbmot, makkár attáldagat dal ležžet, guđe nállái dal gulažit, makkár sosialalaš dahje kultuvrralaš duogážis dál bođežit. Olmmošárvu, seamma dássásašárvu, dohkkeheapmi ja gierdevašvuohta galget ge leat guovddážis oahpaheamis. Galgá deattuhuvvot ahte buot olbmuin leat návccaid sihke bahái ja buorrái. Olbmot sáhttet válljet ja galget váldit ovddasvástádusa daguideaset ovddas. Erenoamaš deahálaš lea ahte buot oahppit ožžot dovdu ja oskku ahte sis lea árvu ja movttiidahttojuvvojit eallinmoktii ja eallinovdáneapmái. Oahppit galget oažžut jáhku iežaset vejolašvuođaide ja luohttámuša dasa ahte sii sáhttet ovddidit ja geavahit návccaid ja fámuid ávkin alcceseaset ja earáide. Bargu galgá maid addit ohppiide ipmárdusa dasa maid kristtalaš osku ja doaivva mearkkaša olbmuide. Ovdamearkkat dasa vižžojit ohppiid beaivválaš eallimis ja dievdduid ja nissoniid eallimis ovddeš áiggis, dán áiggis, báikkálaččat, našuvnnalaččat ja

Mønsterplanen 1987 · samiske fagplaner 1989 s. 22 skann 24

Siter