Mønsterplanen 1987 · samiske fagplaner 1989, s. 17 (skann 19)

dusaid kristtalašvuohta addá iešgudet lágán eallingažaldagaide. Guovddážis dan oktavuođas lea kristtalaš govva Ipmilis, Jesus Kristusis, su eallimis ja daguin, kristtalaš oaidnu olbmui ja osku mávssolašvuohta olbmuide. Dákko lea Biibbalis lunddolaš sadji sihke vuođđun ja ájan kristtalaš oskui. Dan dihte bohtet ge dát váldobarggut ovddemusas. Movt kristtalašvuohta váikkuha, čájehuvvo dainna lágiin ahte álggahuvvo dainna mii lea lahka ja dovddus namalassii, váldobargguin girku ja kristtalašvuođa eallima ruovttubáikkis ja joatkit dainna mii lea gáidan ja apmaset, namalassii váldobargguin girku áiggiid čađa. Váldobarggus don ja mun ja searvvolašvuohta ja servvodat, váldojit ávddalašvuođa gažaldagat erenoamážit ovdan. Lea biddjon deaddu gažaldagaide mat gusket olmmošlaš gaskavuođaide, servvodateallimii ja luonddu riggodagaid geavaheapmái. Obbalohkái galgá oahpaheapmi addit ollislaš ja ealli gova Jesus Kristusis ja addit oahpu guovddáš jurdagiid birra kristtalašvuođas. Vuođđun buot váldobargguide lea Biibbala guorahallan ja dat lea deahálaš ahte oahpahit ja hárjehit ohppiid Biibbala geavahit. Danne leat ge váldobarggut Jesus, Biibbal ja olmmoš ja kristtalaš osku viidáseapmosat. Eará osku suorggit ja eallin oainnut leat váldobarggut maiddá lea biddjon unnimus deaddu ja das gahččá lunddolaččat eanas deaddu nuoraid dássái. Buot váldobarggut leat mielde juohke golmma jagi áigodagas. Lea lunddolaš addit viidáseamos váldobargguide stuorimus saji oahpaheamis. Váldobarggut sáhttet almmake oažžut iešgudet lágán deattu ja viidodaga dain iešgudetge luohkáin. Lea vejolaš guoddit muhtin váldobargguid ovtta luohkás, muhto dan golmma jagi áigodagas galget buot oasit leat guoskahuvvon. Iešgudetge osiin leat teavsttat gos gávdná makkár oahppoávdnasiid galgá váldit ovdan ja mii galgá deattuhuvvot juohke váldobarggu vuolde. Biibbalteavsttat, sálmmaid ja lávlagat mat leat biddjon váldobargguid manŋái, gullet maid oahppoávdnasiidda. Oassebargguid barggadettiin iešgudetge luohkáin berre diedusge ollu eambbo teavsttaid, sálmmaid ja lávlagaiid váldit mielde. Oassebarggut ja geažidansánit čilgejit váldobarggu teavstta ja čájehit progrešuvnna dain iešgudetge golmma jagi áigodagain. Váldobargguid gaskka lea siskkaldas oktavuohta ja muhtin váldobarggut ollisamahttet guhtet guimmiideaset. Lea earet eará biddjon deaddu ahte ávddalašvuođa gažaldagaid ja osku dovddahanvuogit sáhttet váldot ovdan mángga váldobarggu vuolde. Báikkálaš oahppoplána barggus galgá dan dihte gehččojuvvot váldobargguide, oassebargguide ja geažidansániide oktasaččat. Oassebargguid vuorru sáhttá rievdaduvvot, muhto daid ferte gal geahččat ovttas oassebargguiguin eará váldobargguid vuolde. Muhtimin sáhttá leat lunddolaš bargat temáiguin mat guoskkahit mánga váldobarggu oktanaga. Oahppoávdnasat mat leat olbmuid birra geat deaivvadedje Jesusiin, sáhttá gávdnat earret eará dáin váldobargguin: Jesus, olmmoš ja kristtalaš osku, girku ja kristtalaš eallin ruovttubáikkis, girku áiggiid čađa. Oahppoávdnasat ávddalašvuođa oahpu birra sáhttet maid geavahuvvot dán oktavuođas. Jahkeplánaid ráhkadettiin berre vuhtii váldit ohppiid agi ja ovdáneami go galgá buohtastahttit váldobargguid ja mearridit makkár oassebargguid galgá deattuhit. Váldobargguid oahpposisdoallu lea maid heivvolaš gaskkafágalaš bargguide ja prošeaktabargguide mángga fága oktavuođas: dárogielas, sámegielas, musihkas, birasoahpus, luondduoahpus, servvodatoahpus, ruovttudoalloahpus ja duodjeoahpus. Dat guoská erenoamážit dáidda temáide: bearraša dahje sogalaš- 17

Mønsterplanen 1987 · samiske fagplaner 1989 s. 17 skann 19

Siter