Mønsterplanen 1987 · samiske fagplaner 1989, s. 16 (skann 18)

Oahpahus berre čadnot dasa maid oahppit dovdet deahálažžan ja áigeguovdilin. Dainna lágiin sáhttá fága veahkehit ohppiid čilget iežaset osku ja eallinoainnu gažaldagaid. Dat maid oahppit ohppet fágas, galgá leat mielde addime vuođu oskui ja leat njuolggadussan sin eallimii. Lea deahálaš ahte oahppit oaidnit sin iežaset áiggi govviduvvon dainna lágiin ahte ožžot movtta geahččat ovddos guvlui. Sii galget oažžut buori ja duođalaš gova alddiset ja sin iežaset návccain ja fámuin. Oahpaheamis galgá bidjot deaddu dasa mii lea deahálaš kristtalaš oskkus, ja dasa mii kristtalaš servviin lea oktasaš. Skuvlalága mielde galgá bargu vuođđuduvvon evangelistalaš-lutheránalaš oahpu ala. Oahpaheami galgá leat rabas ja fátmmasteaddji vai mánát nu eatnat ruovttuin go vejolaš, sáhttet čuovvut oahpaheami. Go lea sáhka deahálaš osku áššiid birra, ovd. sakramenttaid birra, de ferte addit ollislaš dieđuid eará girko servvodagaid birra ja oahpahit doalahit daid oahpu árvvus. Eará oassebargguid oktavuođas ovd. biibbalhistorjjá, ávddalašvuođa ja girkohistorjjá oktavuođas lea luonddolaš bargat oktasaš kristtalaš oainnuin. Go oahppit oahpásmuvvet osku servvodagaide mat eai gula Norgga girkui, sáhttá skuvla ovddidit ipmárdusa ja loktet árvvu olbmuin mat gullet eará girkoservvodagaide ja ovddidit positiivvalaš oainnu oktasaš girkolaš barguide. Dán fága oahpaheami bokte galget oahppit oažžut ipmárdusa man deahálaš osku ja ávddalašvuohta áššit leat olbmuide. Oahppu eará oskkuid ja eallinoainnuid birra gullá maid dán fága oahpaheapmái. VÁldoovddasvástádus dan oassái oahpaheamis gullá birasfágai ja servvodatfágai. Kristtalašvuođafágas deattuhuvvo gávnnadeapmi gaskkal kristtalašvuođa ja eará oskkuid ja eallinoainnuid. Lea lunddolaš ovttas bargat fágaid gaskka go dáid áššiid birra oahpaha. Osku- ja eallinoainnu áššiin berre eanet deattuhit oktasaš árvvuid mat čohkkejit ii ge daid mat earuhit. Oahpaheaddji berre váldit vuhtii ahte ohppiin sáhttá leat iešguđet lágán duogáš. Seamma luohkás sáhttet leat oahppit gudet gullet eará osku servvodagaide ja oahppit gudet eai gula gudege girkoservvodahkii. Oahpaheami galgá čájehit gierdilvuođa ja dáhtu ipmirdit ja dohkkehit olbmuid geain leat iešguđet lágán oainnut oskku ja ávddalašvuođa áššiide. Dakkár gažaldagaid mat sáhttet dagahit nákku, berre meannudit vuođolaččat ja vealakeahtesvuođain ja nu ahte ságastallamat eai soardde dahje norddas ovttage oahppi. Dat oaidnu mii oahpaheaddjis lea oahpahusa sisdollui, lea deahálaš dasa movt oahppit ipmirdit dan ja makkár árvvu sii das ožžot. Ohpaheaddjis lea, vaikko makkár eallin oaidnu alddis leaš, geatnegasvuohta ovdan buktit sisdoalu miellagiddevaččat ja vealakeahtes vuođain ja nu ahte sisdoallu boahtá čielgsit ovdan. Oahppoávdnasat ja ovdáneapmi Oahppoávdnasat leat juogaduvvon ovcci váldobargui. Barggadettiin váldobarguiguin galget oahppit oažžut ipmárdusa mii kristtalašvuohta lea, movt dat lea ovdánan, ja movt dat lea váikkuhan ja movt dat ain váikkuha olbmuide ja servvodahkii. Oahppoávdnasat leat váldon Boares testamenttas, Ođđa testamenttas, girkohistorjjás, oskuohpus ja ávddalašvuođa oahpus. Lassin dása leat oasit mat gullet ohppiid beaivválaš eallimii ja dasa man birra sii jurddašit ja eallimii báikkálaš birrasis. Oahppit galget fuomašit mii lea earenoamáš kristtalašvuođas ja makkár vástá 16

Mønsterplanen 1987 · samiske fagplaner 1989 s. 16 skann 18

Siter