Mønsterplanen 1987 · samiske fagplaner 1989, s. 18 (skann 20)

vuođa dihtui, ovttaseallima ohppui, gárihuhttin mirkkuide, luonddu ja birrasa gáhttemii ja maiddái eará oskkuid ja eallinoainnuid oahpaheapmái. Jus galgá bargat gaskafágalaččat ovdamearkka dihte temáin hárdima ja bieguheami birra, de lea lunddolaš viežžat oahppoávdnasiid dain váldobargguin: Don ja mun, servvolašvevuohta ja servvodat, olmmoš ja kristtalaš osku, eará oskkut ja eallinoainnut. Lávlun ja musihkka gullá guovddážii kristtalašvuođa oahpaheamis ja heive buot váldobargguid vuollái. Sálmmat, kristtalaš lávlagat ja musihkka leat maid deahálaš gaskaoamit go galgá ipmirdit mii kristtalašvuođas lea ávkin olbmuide ja kristtalaš servvolašvuhtii. Oahppit galget dovddiidit boares sálbmadiktemii ja dasa mii odne dáhpáhuvvá kristtalaš lávlun- ja musihkkabarggus. Sii galget oahppat dovdat sámi sálbmalávluma ja lávlunmálliiid, maiddái báikkálaš erohusaid. Oahppit galget dovddiidit movt sálbmalávlun lea čadnon sámi árbevirolaš musihkkii. Go guldalit girkomusihka ja lávlot lávlagiid ja sálmmaid, sáhttet sii movttaskahttojuvvot ja maiddái fuobmát juoga ovttas. Lea deahálaš ovttas bargat musihkkafága oahpaheddjiiguin. Oahppit galget maid beassat oahpasmuvvat eará kristtalašvuođa dovddahanvugiiguin, dego rohkosiidda, iešguđet lágan ipmilbálvalusvugiide ja rituálaide. Oahppit berrejit dovddiidit leastadiánalaš lihkahusaiguin, čoakkalmasgielain, iešguđet lágan ipmilbálvalusvugiiguin (meahcis, ruovttus ja rohkosviesuin), poasttallohkamiin ja rohkoslohkamiin. Oahppit berrejit maid beassat oaidnit maid movt dovddahanvuogit dál doibmet ja viššalit oasi váldit go skuvla lágida iešguđet lágan čoagganemiid. Lea lunddolaš ovttasbarggu ásahit gaskkal skuvlla ja girku, dahje eará girkoservvodagaiguin go nu heive. Bargovuogit Muhtin váldobargu lea seammás sihke oahppoávnnas ja bargovuohki. Váldobarggus Biibbal galget oahppit bargat dieđuiguin Biibbala birra. Seammas galget gávdnat Biibbalis oahpu ja dieđu daidda eará váldobargguide. Bargu mii guoská váldobargui girku ja kristtalaš eallin ruovttubáikkis, galgá addit dieđu báikkálaš servvodaga birra. Muhto báikkálaš servvodat sáhttá seammás dagahit ahte oasit dain eará váldobargguin bohtet ovdan ja šaddet áigeguovdilin. Ohppiid beroštupmi leat mielde iešguđet lágan báikkálaš servviin, galgá adnot ávkin oahpaheamis. Ádját ja áhkut, váhnemat, mánaid- ja nuoraid bargit ja boarrásit oahppit sáhttet doallat ságastallamiid dahje jearahallojuvvot. Oasseváldin praktihkalaš, sosiálalaš ja kulturvralaš barggus sáhttá maid addit mávssolaš fuomašemiid kristtalašvuođaoahpaheapmái ja leat mielde čatnamin kristtalašvuođa praktihkalaš ja ávkkálaš oktavuhtii. Ealli muitaleapmi berre deattuhuvvot oahpaheamis. Oktasaš fuomašebokte muitalemiid, lávluma ja musihka mit leat deahálaččat dagahit dovddiu ja ipmárdusa fágii. Mállet mat gáibidit fuomášeami ja dovddiid ja mat váldet oahppiid dáiddalaš návccaid atnui, galget oažžut stuora saji fágas. Pedagogalaš čájálmas sáhttá erenoamáš lági mielde duohtan dahkat sisdoalu ja dagahit fuola. Muhtin oasit dán fágas dárbbašit guorahallamiid ja ságastallamiid. Iešguđet lágan vuogit movt bargat joavkkuin mat leat ovddiduvvon daid maŋemus jagiid, leat dan dihte erenoamáš heivvolaččat kristtalašvuođa oahpus. Lea deahálaš ahte lea oktavuohta gaskkal oahpu ja dan vuogi movt sii oahpahuvvojit. Nu guhkás go 18

Mønsterplanen 1987 · samiske fagplaner 1989 s. 18 skann 20

Siter