Mønsterplanen 1987 · samiske fagplaner 1989, s. 11 (skann 13)

Árbevirolaš oahpahanvuohki ja árbevirolaš oahppogirjjit mat leat heivehuvvon ohppiide geain lea dárogiela eatnigiellan ja engelasgiella nubbingiellan, sáhttet leamašan stuora goazahussan sámimánáid oahppanhállui. Diet lea várra garrasit hehtten engelasgiela oahpaheami. Sámegiel - engelasgieloahpponeavvuid ávkkit: - sáhttá njuolga gulahallat, ii dárbbaš geavahit dárogiela oahpahangiellan - vejolašvuođat njuolga ávkin atnit daid seamma lágán giellahámiid mat gávdnojit sámegielas ja engelasgielas - stuorit vejolašvuohta heivehit fága sámi kultuvrii - seastá áiggi go sáhttá garvit hárjehallamiid maid mánát geain lea dárogiela eatnigiellan, erenoamážit dárbbašit gielalaš erohusaid dihte. (Omd. «Are you leaving tomorrow?» «Leat go vuolgime ihttin?», lea čealkka mii lea váttis dárogielat ohppiide) - engelasgieloahppu lea mielde nanneme sámegiela ja dan árvvu - nanne ohppiid iešvuođadovddu Birasfága 1.-6. luohkkái Plána ráhkadettiin leat vuhtiiváldán ahte sámit gullet ovtta čerdii, vaikko orrot njealji riikkas. Mis lea sierra kultuvra ja giella. Oahppoplána vuođđun lea sámi kultuvra mii galgá nannejuvvot ja man vuođul oahppit galget áddet apmasat áššiid. Perspektiiva lea min iehčamet, sápmelaččaid. Dán láhkái duohtan dahkko deahálaš pedagogalaš prinsihppa mii dadjá ahte oahpahus galgá váldit vuolggasaji báikkálaš birrasis ja loahpas boahtit maiddái riikkaidgaskasaš áššiide. Minsttarplánas - 74 leat buot sámiide guoski áššit meannuduvvon aivve fal báikkálaš áššin. Dalle ii vuhtiiváldon ahte sámit gullet sierra čerdii. Buot oahppit Norggas ledje mahká dáčat, mat dáča čearddalašvuođa bokte galge oahppat riikkaidgaskasaš áššiid. Áigumuš peršpektiivva sirdimiin sámi kultuvrii lea: - nannet sámi ohppiid čearddalaš iešdovddu mii maiddái lea eaktun nana olmmošlaš iešdovdui - nannet sámiid dáhtu ja dáiddu ovttasbargat ja oktavuođa doallat riikkarájáid badjel - čájehit ahte sámegielas ja kultuvrras lea ieš alddis árvu ja dan láhkái movttii dahttit ohppiid eaktudáhtolaččat bargat seailluhit, nannet, ja viidáseapput fievrridit kultuvrramet ja giellaárbámet. Servvodatfága 7.-9. luohkkái Fágaplána lea ráhkaduvvon dainna vuođđojurdagiin ahte sápmelaččaid dilli galgá báitit čađa buot das mii oahpahuvvo, ja ahte dat maid galgá čatnat oktii obba plána. Oahppit galget sámi kultuvrra ja daid iešgudiid ge sámiguovlluid servvodagaid bokte hárjehu vvot ohcat dieđuid ja oahpásmuvvat servvodagain mii lea sin birra. Berre maid deattuhuvvot ahte sápmelaččat leat okta álbmot, 11

Mønsterplanen 1987 · samiske fagplaner 1989 s. 11 skann 13

Siter