Mønsterplanen 1987 · 3. opplag 1991, s. 167 (skann 169)

sámegielsuopmaniid birra. Rievttes dieđuiguin bastá njeaidit boasttu gáttuid ja addit ohppiide dárbbašlaš vuođu ja movtta bargat viššalit fágain. Nuppi giela oahppu galgá maiddái duddjot buori oainnu ohppiide sin iešguđet lágán giella- ja kulturđuođážiid hárrái. Dás lea fága geahččaluvvon biddjot servvodaga oktavuhtii. Fága bokte galgá geahččalit oažžut buori oainnu sámegiela hárrái servvodagas. Maiddái galgá fága duddjot ahte sámegiella ii dáruiduvvo, go dárogielat mediabiras lea garas báidnit nuppi giela, mii lea geanohet dilis servvodagas. Sámegieloahpaheapmi sáhttá váikkuhit dán dili vuostá. Okta dain oaiveulbmiliin plánas lea gáhttet ja ovddidit árbevirolaš muitaladdama ja oahpahit daid iešguđet suopmaniid birra mat leat sámegielas. Lea maid deatalaš geavahit čielga sámi girjjálašvuođa njálmmálaš giellaoahpaheamis. Oahpponeavvut Oahpponeavvut eai leat dušše girjjit ja čálalaš hárjehallanmateriála. Buot osiid váldobargguid vuolde galgá geaččat oahpponeavvun. Dát leat sihke oahppogirjjit, ohppiid iežaset bargu, servvodat, luondu ja máilbmi olggobealde skuvlla. Sámegiela oahpahusas lea dárbu geavahit jietnabáttiid, filmmaid, videa ja dakkáriid oahpponeavvun. Oahpahusas mii fievrriduvvo sámegillii lea erenoamáš dárbu váldit veahkkeneavvun maiddái eará ávdnasiid go oahppogirjjiid. Váldobarggut ja oassebarggut NJÁLMMÁLAŠ GIELLAGEAVAHEAPMI Lea hui deatalaš ahte mánát dustet hupmamis atnit dan maid leat oahppan. Sii galget oahppat olles dajaldagaid, eai ge luovos sániide dahje ovtta sári ain hávil. Álggos galget oahppit oahppat álkis, beaivválaš giela. Galgá muitit ahte ii leat dárbu oahpahit buot dan sátneriggodaga oktanis mii gávdno, omd. luonddusániid ja boazodoallosániid, muhto ahte ohppet álggos daid dábálaččamus sániid. (2.–) 3. luohkká Guldalit: Guldalit mángga olbmo hupmanmálle iešguđet lágán dilis (molssođit jienaid, govaid, diliid ja olbmuid). Guldalit oahpaheaddji, mielohppiid, jietnabáttiid, video. Ipmirdit: Oaivilat ovttastahttojit sániiguin, dajaldagaiguin, cealkagiiguin. Dinggaid namat, álkis dajaldagat beaivválaš gielas. Govvidit sániide čájehettiin dinggaid, govaid, čájálmasaid. Deattuhit sága sisdoalu. Oahpásnuhttit ođđa sániiguin ja dajahusaiguin oahpes oktavuođaid bokte. Hupmat: Eanas mearriduvvon hupmanhárjehallamat. Jievžat. Dajaldagaid dađistaga guhkkidit ja viiddidit. Dajaldagat galget addit oaivila ja leat miellagiddevaččat. Lea deatalaš álggu rájes oahpahit sániid riekta dadjat ja gokko deaddu galgá sánis. Hupman- ja humadanhárjehallamat iešguđet lágán diliide mat sáhttet deaividit olbmo eallimis, álggos eanas gárvvus hárjehallamat. Jearaldagat, vastádusat, humadeapmi, čájálmasat, lávlagat. Lohkat: Bargu teavsttaiguin ja girjjálašvuođain lea ohppiid vuosttašgiela lohkančehppodaga duohken. Sihke čuođjalit ja jaskadit hárjehallat lohkat. Lea deatalaš ipmirdit sisdoalu. Ovttastahttit teavsttaid govaiguin. Humadeapmi, govvaráiddut, oanehis álkis teavsttat, šuonjat, hoahkamat. 167

Mønsterplanen 1987 · 3. opplag 1991 s. 167 skann 169

Siter