Mønsterplanen 1987 · 3. opplag 1991, s. 168 (skann 170)

4.–6. luohkká Guldalit: Seamma go (2.–) 3. luohkás. Ipmirdit: Oahppat lasi sániid. Deaddu bidjo teavsttaid sisdollui, mat daðistaga šaddet váddáseapput. Hupmat: Daðistaga eambbo iešmearriduvvon hupmanhárjehallamat. Humadit dan birra maid ieža leat dovddiidan ja vásihan. Muitalit, bagadallat. Humadit earáid muitalusaid birra, govaid ja teavsttaid birra. Dramatiseret. Lohkat: Lohkat ja guorahallat daðistaga váddáseapput teavsttaid. Deattu bidjat sisdoalu ipmárdussii. Šilttaid, dieðáhusbáhpíriid, divttaid, muitalusaid. 7.–9. luohkká Guldalit: Guldalit iešguðet lágán sámegielsuopmaniid. Ipmirdit: Oahppat lasi sániid. Giellageavaheami iešguðet lágán oktavuoðain. Guorahallat teavsttaid, radio ja TV-prográmmaid, oahppat fuobmát čiegus oaiviliid, mii lea okta oassi suokkardan-návccaid hárjehallamis. Hupmat: Dovddahit jurdagiid, dovddiuid ja oaiviliid. Humadit filmmaid ja mediaprográmmaid birra. Lohkat divttaid earáid gullut, muitalit iežas oaiviliid earáide, ságastallat. Lohkat: Lohkat geavahan-njuolggadusaid, aviisačállosiid, girjjálašvuoða. Guorahallat teavsttaid. ČÁLALAŠ GIELLAGEAVAHEAPMI Sámegiela čállinoahpaheami galgá doaibmat dego doarjjan giela njálmmálaš oahpaheapmái ja vuoððuduvvot buori njálmmálaš giela nala, dátálepmosit gaskadási rájes. Oahppit galget ovddidahttit čálalaš máhtu iešguðet lágán anolaš ulbmiliidda. Álggos galgá eambbo deaddu bidjot lunddolaš ipmirdahhtti gillii nu movt oahppi njuolgut čállá, go čállinvuohkái ja dán njuolggadusaide. Daðistaga sáhttá de bargagoahtit sihke njálmmálaččat ja čálalaččat seamma áššiiguin, vai oahppi hárjána gielalaččat mángga ládje buktit ovdan áššiid. 4.–6. luohkká Mearriduvvon čálalaš hárjehusat: Čállit nuppes čállaga, čállit cealkagiid rievttes govaide ja deavdit cealkagiid rievttes sániiguin. Iešmearriduvvon čállin: Oahppit čállet oanehis muitalusaid, divttaid ja reivviid. Oahppit berrejit oahppat buktit sisdoalu čielgasit ovdan. Čállinvuohki: Daði mielde go oahppit ohppet oðða jienaid sámegielas, de lea vuogas ahte maiddái besset oaidnit daid čállojuvvon. Lea mávssolaš go oahppit ohppet riekta čállit, muhto ii galgga dán gáibádusa diktit boahtit ovddabeallái giellageavaheami muðuid. Čállinvuogi hárjehallamii sáhttá atnit sátnelisttu. Go divoda ohppiid čállagiid, de berre ovddemus divvut sániid sojahanhámiid, ii ge čállinmeattáhusaid, jus sisdoallu muðui lea čielggas. 7.–9. luohkká Mearriduvvon čállinhárjehusat: Daðistaga bidjat eambbo deattu daid deatáleamus gramatihkalaš osiide. Rievttes giellageavaheami mearriduvvon oktavuoðain: Reivviid čállit, skoviid deavdit, ohcamiid čállit. Iešmearriduvvon čállin: Čállit áššečilgehusaid, oanehis čállosiid, mearkkašumiid, bagadallamiid, čállin mánggalágán málle mielde. Čállinvuohki: Bidjat eambbo deattu čállinvuohkái go mánáidskuvladásis. Sátnelisttu geavaheapmi: Seammaládje go 4.–6. luohkás. 168

Mønsterplanen 1987 · 3. opplag 1991 s. 168 skann 170

Siter