Mønsterplanen 1987 · 3. opplag 1991, s. 166 (skann 168)

siva geažil. Dát gielladilli lea hui dábálaš erenoamažit mearrasámi guovlluin dain davimus filkkain. Sullii seamma gielladilli lea maiddái julevsámiguovlluin ja lullisámiguovlluin. Muhtin oahppit gis orrot dáčča birrásis. Ruovttus, váhnemiid čađa, leat sii oahpásnuvvan sámegielain, ja máhttet veahá sámegiela. De leat vel dat oahppit geat eai ovdalis dovdda sámegiela ollin ge, muhto geain liikká lea stuora beroštupmi oahppat dan. Sii álget dieđus ge oahppat áibbas álggu rájes. Oahppit geat ožžot eatnigieloahpu dárogillii, sáhttet oahppagoahtit sámegiela nubbingiellan 2. dahje 3. luohka rájes. Mánát leat dan ráđjái dárogiela bokte ožžon daid vuođđodieđuid ja čehppodaga mii lea dárbbašlaš go galgá oahppat eará gielaid. Plána lea juhkkojuvvon 4 váldobargui, iešguđes ge lea sierra čielggadus ja bargo-oasit. Bargo-oasit čájehit makkár oahpposisdoaluin buot oahppit qalget bargat ja addet jurdagiid maid alá sáhttá hukset oahpaheami. Go viers giela galgá oahppat, de lea hui deatalaš beassat giela ollu hárjehallat njálmmálaččat, ja danne lea ge njálmmálaš oahpaheapmi ožžon stuora saji plánas. Lea lunddolaš deattuhit ovdáneami fágas ja dan mielde bidjat bagadusaid. Bargovuogit mat leat namuhuvvon, leat heivvolaččat buot luohkáide. Go leat dákkár hámi addán plánii, de lea duogábealde dat jurdda ahte oahpaheami buorebut galgá sáhttit heivehit mánáid návccaid ja máhtu ektui. Lea deatalaš ahte váhnemat ožžot dieđuid plána váldojurdagiid birra ja ahte muitaluvvo sidjiide vuohkkasit fága birra, omd. makkár ávkki mánát sáhttet oažžut dán oahpus ja ahte dat lea sidjiide vuoitun. Vai oahpaheami galgá sáhttit čađahit bures, de gáibiduvvo ahte fágaoahpaheaddji váldá vuhtii plána jurdagiid ja ulbmiliid. Muđuid lea maid áibbas deatálaš ahte eará oahpaheddjiin ja skuvlla hoavddain lea buorre oaidnu fágii. Sámegiella galgá oažžut seamma buori bargodilálašvuođa go muđui lea eará fágaid dáfus skuvllas, vai sámegieloahppu lágiduvvo buoremus lági mielde. Bargovuogit Váldojurdda lea ahte oahppit galget oahppat ipmirdit ja hupmat sámegiela ja hárjánit gulahallat eará olbmuiguin. Mánát ohppet giela ja maiddái giela birra go geavahit dan iešguđet lágán giellaoktavuođain, njálmmálaččat ja čálalaččat. Lea deatalaš ahte oahppit hárjánit muitalit oainnuiddiset sámegillii, vai oččole dan ipmárdusa ahte giella lea gáskaoapmi jurdagiidda, oainniliidda ja sávaldagaide. Sámegiella nubbingiellan galgá oahpahuvvot amásgiela oahpahanvugiid mielde. Mánáidskuvlla dásis galgá eanas hárjehallat njálmmálaš giellageavaheami sihke mearriduvvon ja friddja hárjehallamiiguin. Dasa sáhttá veahkkin atnit dinggaid, dohkáid, dramatiserema, govaid ja jietnabáttiid. Lea deatalaš čađat hupmat oahpes dinggaid ja áššiid birra, main mánát berošit. Mánát maiddái galget oahppat giela lávlagiid, dajahusaid, stohkosiid ja čájáhallamiid bokte. Mánát sáhttet bargat sierra, guovttis ja guovttis dahje joavkkuin iešguđetlágan oahppoávdnasiguin. Bargovuogit galget molsašuvvat ja leat miellagiddevaččat mánáid mielas. Álgodásis lea ohppiin eanet dahje unnit diehtu sámi servvodaga birra. Dát dilli mielddisbuktá sámegielfágii ovttasbarggu birasfágain ja servvodatfágain, vai klássas seamma áiggi go sámegiella oahpahuvvo, addo diehtu sámi guovlluid birra ja 166

Mønsterplanen 1987 · 3. opplag 1991 s. 166 skann 168

Siter