Mønsterplanen 1985 · nynorsk, s. 97 (skann 99)

97 4. Mønsterplan. Nynorsk bruk av ressursane må understrekast. Undervisninga må oppmuntre til tru på framtida og tillit til Gud og menneske. I emnet går det og inn ei drøfting av tilhøvet mellom tru og vitskap, og aktuelle trus- og tvilsspørsmål som elevane har. 1.-3. klasse Gud: Gud som skapar, Guds makt, omsorg og kjærleik. Kontakt med Gud, bønn, takk. Fadervår. Mennesket og naturen: Ansvar for oss sjølv, for medmenneska og naturen. Respekt for liv. Natur- og miljøvern i lokalmiljøet. 4.-6. klasse Bibelen fortel om Gud: Skapingsforteljingane i Bibelen. Den treeinige Gud. Synda og det vonde. Guds kjærleik. Fyrste trusartikkelen, dei tre fyrste boda. Bønn. Fadervår. Ansvar for medmenneska og naturen: Forvaltaroppgåva, ansvar for eige og andre sitt liv, bruken og fordelinga av ressursane på jorda. Arbeidet for ei betre verd. Tru og vitskap: Den kristne skapartrua og naturvitskapen. Tru og tvil. 7.-9. klasse Den kristne gudstrua: Gudsbiletet i Det gamle og Det nye testamentet, den treeinige Gud. Gud skaper i dag. Trusartiklane. Forvaltartanken og framtidsvona: Ressursfordeling, kulturkonfliktar, storsamfunn og lokalmiljø, ulike økonomiske ordningar. Von for framtida, vårt ansvar for å velje. Bibelen sitt syn på soga og framtida. Tru og vitskap: Tilhøvet mellom tru og vitskap, skapartru og naturvitskap, tvil og tru. JESUS Personen Jesus, hans liv og gjerning, er det sentrale i kristendommen. Undervisninga må derfor formidle eit samla og levande bilete av Jesus. Emnet skal gje kunnskap om Jesus som menneske og førebilete, og som Gud og frelsar. Hovuddraga i Jesu liv og gjerning i historia må kome klart fram, men og trua på han som ein levande realitet for menneske i dag. Truslæra, særleg andre trusartikkelen, er viktig i denne samanhengen. Til dette emnet høyrer og kunnskap om sentrale kristne omgrep. I undervisninga må det leggjast vekt på Jesu tilhøve til ulike menneske i samtida. Messias-profetiane i Det gamle testamentet og Messias-vona i samtida høyrer og med til emnet, likeins at Jesus lever i dag og skal kome att. Innhald i og feiring av høgtidene må stå sentralt på alle klassestega. Her er det naturleg å samordne med andre fag. Det er og aktuelt å bruke tekstar frå Jesu liv og gjerning i dei andre hovudemna. Dette emnet er derfor knytt til og må sjåast i samanheng med fleire andre hovudemne. 1.-3. klasse Daglegliv på Jesu tid: Heime og ute, skikk og bruk, fest og høgtid, tempel og synagoge. Jesu liv: Barndom, oppvekst, dåp, Jesus fortel og gjer under.

Mønsterplanen 1985 · nynorsk s. 97 skann 99

Siter