Mønsterplanen 1985 · nynorsk, s. 98 (skann 100)

Jesus i møte med menneske: Barn og vaksne, kvinner og menn. Sjuke og fattige. Venner og fiendar, rettferd og tilgjeving. Høgtider: Jul og påske. 4.-6. klasse Jesu liv: Sosiale og religiøse tilhøve, dåp og freisting, reiser, forkynning og gjerningar, krossfesting, død og oppstode. Jesus i møte med menneske: Kall til etterfølging, kjærleik og omsorg, tilslutning og avvising, tru og tvil. Bønn. Fadervår. Jesus - Gud og menneske: Messias-profetiar og Messias-von. Jesus kjem. Samtida sitt syn på Jesus. Frelsar og forsonar. Jesu atterkome. Andre trusartikkelen. Høgtider: Jul, påske og helgetorsdag. 7.-9. klasse Jesus i møte med menneske: Jesu tenarhaldning. Møte med kvinner og menn med ulike haldningar og frå ulike sosiale lag, læresveinar og motstandarar. Religiøse parti og retningar. Kven Jesus er: Messias-vona, inkarnasjonen, samtida sitt syn på Jesus. Biletet av Jesus i evangelia. Ulike syn på Jesus før og no, trua på Jesu oppstode og at Jesus lever i dag. Den Heilage Ande. Jesu atterkome: Bibelen sitt syn på soga og framtida. Høgtider: Jul, påske, helgetorsdag, pinse. Høgtidsfeiring før og no. Kommersiali sering. BIBELEN Emnet skal gje kunnskap om Bibelen som kjelde og grunnlag for kristendommen, og gje elevane hjelp til å finne fram i og bruke Bibelen. Arbeidet med bibeltekstar står sentralt i alle hovudemna. Så snart elevane har føresetnader for det, må dei lære å finne fram i, lese og arbeide med bibeltekstar som er aktuelle i dei ulike hovudemna, særleg tekstar frå Det nye testamentet. Arbeidet med emnet må aktualisere kvifor og korleis Bibelen bør lesast, og gje elevane forståing for kva Bibelen som Guds ord har å seie for kyrkja og for einskildmennesket. Dei historisk-menneskelege sidene ved Bibelen må og kome fram i undervisninga. Elevane må få kunnskap om ulike syn på Bibelen. I dette emnet må det leggjast særleg vekt på samanheng og hovudlinjer i Bibelen. Det er viktig å peike på kva syn Bibelen har på soga og framtida, slik at det frelseshistoriske perspektivet kjem fram. Dersom elevane skal få kjennskap til korleis Gud har openberra seg i historia, må dei arbeide med tekstar både frå Det gamle og Det nye testamentet. I mange av dei andre hovudemna er det naturleg å hente stoff og arbeide med tekstar frå Det nye testamentet. I dette emnet er det særleg teke med bibelforteljingar frå Det gamle testamentet, slik at elevane mellom anna kan få eit oversyn over soga til israelsfolket. Det er og nødvendig å klargjere sed, skikk og religion i gammaltestamentleg tid, og elles gje elevane hjelp til å forstå språk- og biletbruk i Bibelen. 1.-3. klasse Bibelkunnskap: Kva Bibelen er, kva Bibelen fortel om, korleis bruke Bibelen. Frå soga til israelsfolket: Abraham, Isak, Jakob, Josef, israelittane i Egypt, utferd og landnåm. Moses og Josva.

Mønsterplanen 1985 · nynorsk s. 98 skann 100

Siter