Mønsterplanen 1985 · nynorsk, s. 240 (skann 242)

1.-3. klasse 240 Musikkeventyr: Arbeid med lydforming, lage lydeffektar til eventyr, dramatisere handling. Musikk og drama: Musikk i samanheng med rollespel, mime, verte-kjend-leikar, herming, leike spegel, tryggleiks- og kontaktøvingar, avspennings- og konsentrasjonsøvingar. Musikk og rørsle: Rørsle med kroppen for å tydeleggjere melodiretning, tonehøgder, tonelengder, musikalsk form, puls. Lage rørsler og steg til musikk. Norsk og internasjonal folkedans. 4.-6. klasse Musikk og rørsle: Lage og setje saman rytmeostinat, dansar i ulike taktartar, rytmisering av og rørsle til dikt, fri rørsle. Norsk og internasjonal folkedans. Musikk og drama: Mime musikkuttrykk og musikkopplevingar. Karakterisere ulike mennesketypar og roller til ulike slag musikk. Improvisasjonsøvingar, musikk til forteljingar, sketsjar og skodespel. 7.-9. klasse Musikkteater: Arbeid med revy, kabaret, musikkspel. Dans: Dansar frå lokalmiljøet, norsk folkedans, internasjonal folkedans, moderne dans, jassballett, gammaldans, rock and roll, dansetypar med fastlagde rørslemønster til aktuell pop og rock. Utarbeiding av dansesteg til ulike songar. SKOLEKONSERT Skolekonsertar, både elevane sine eigne og konsertar med amatørar og profesjonelle utøvarar, bør vere ein naturleg del av musikkundervisninga i skolen og verte eit viktig innslag når det gjeld lytting og musikkoppleving. Arbeidet med skolekonsertar har som mål å gjere elevane fortrulege med å opptre for kvarandre, skape gode lyttevanar og vilje til å forstå musikalske uttrykk frå andre. I periodar vil undervisningsopplegget i musikk verte sterkt knytt til skolekonsertaktivitetane, der førearbeid, konsert og etterarbeid vert ein heilskap. Slik vert konsertane ikkje frittståande og isolerte tiltak, men eit konkret mål for arbeid gjennom ein periode, og dessutan utgangspunktet for etterarbeid. Skolekonsertdrifta til Rikskonsertane må reknast som ein del av musikkundervisninga i skolen, og ho formidlar levande musikk av høg kunstnarleg kvalitet. Gjennom varierte programopplegg, nye presentasjonsmåtar, aktivisering av tilhøyrarane, førearbeid og etterarbeid er skolekonsertdrifta til Rikskonsertane eit inspirerande supplement til musikkundervisninga i skolen. Rikskonsertane kan og vere ein ressurs i arbeidet med å lage eigne skolekonsertar i samarbeid med det lokale musikklivet. Dei kan gje hjelp i samband med lokalt utviklingsarbeid, til dømes i form av kurs. 1.-9. klasse Musikkverkstad: Samarbeid med profesjonelle musikarar, lærarar, utøvarar og komponistar frå lokalmiljøet om konsertar. Eigen konsert: Konsertar der alle elevar i klassen har enkle, kortvarige oppgåver. Repertoar henta frå musikkundervisninga eller frå den bakgrunnen elevane har utanfor skolen. Framføring for føresette og sysken, andre klassar, heile skolen. Konsertar av andre: Konsertar frå Rikskonsertane, andre profesjonelle eller

Mønsterplanen 1985 · nynorsk s. 240 skann 242

Siter