Mønsterplanen 1985 · nynorsk, s. 241 (skann 243)

241 amatørmusikarar som vitjar skolen. Førearbeid og etterarbeid. På ungdomssteget også besøk til orkesterkonsert, opera, rockekonsert, kyrkjekonsert, ballett, musikkteater. MUSIKKORIENTERING Arbeidet med dette hovudemnet har som mål å gje elevane ei djupare musikkoppleving og gje dei innsikt i korleis musikken har vore brukt og korleis han har fungert til ulike tider, i ulike samfunn og kulturar. Det bør leggjast vekt på aktiv lytting og evne til å formulere seg om musikk. Vidare skal arbeidet med emnet gje elevane forståing av korleis musikken heng saman med vår eiga historie, korleis han vert brukt i dagens samfunn, og kva rolle han spelar i elevane sin kvardag. Elevane må få kunnskapar om historiske, sosiale og kulturelle forhold som musikken spring ut av, korleis komponistar og utøvarar står i samtida si, og om organiseringa av musikalske rekkjefølgjer. Arbeidet skal lære elevane å forstå musikk som kunstart ved at dei får presentert lyttedøme som er sentrale i den nasjonale og europeiske historia. Når klassen arbeider med dagens musikkulturar, er det viktig å få fram dei positive og identitetsskapande funksjonane musikk kan ha. Samtidig må elevane få hjelp til å vurdere kritisk den kommersialiseringa som pregar delar av musikken til ungdomskulturen. 1.-3. klasse Korleis musikken vert brukt og fungerer: Syngje, spele og lytte til musikk frå lokalmiljøet. Samtale om lokale særdrag i musikken og om bruk av musikk i heimen, i radio, på fjernsyn og i butikken. Dansar og songar som har tradisjon i barnekulturen og lokalmiljøet. Samtale om bruksmåtar. Lytting: Lytting til musikk, rørsle, måling. Samtale om kva musikk kan uttrykkje. Samtalar om musikkopplevingar. Kunnskapsstoff: Arbeid med kunnskapsstoff i tilknyting til musikkaktivitetar frå andre delemne. 4.-6. klasse Lytting: Lytte til musikk frå ulike sjangrar og stilartar. Programmusikk, musikk og kjensler, musikk som ikkje viser til noko utanom-musikalsk (absolutt musikk), tekst og musikk. Lage lyttepartitur. Lytte til musikk i tilknyting til eksperimentering og komponering i andre delemne. Samtalar om musikkopplevingar. Korleis musikk vert brukt og fungerer: Undersøkingar av korleis musikk vert brukt i heimen og nærmiljøet. Kunnskapsstoff: Arbeid med kunnskapsstoff og musikkteori i tilknyting til musikkaktivitetar frå andre delemne. Kjende komponistar. 7.-9. klasse Korleis musikk vert brukt og fungerer: Samle inn stoff om og framføre musikk frå ulike verdsdelar. Lage program med demonstrasjon av musikk, folkedansar og folkedrakter frå ulike kulturar. Om korleis musikk vert brukt og fungerer i andre kulturar. Funksjonell musikk som bakgrunnsmusikk, musikk i radio, fjernsyn, musikk og reklame, musikk i ulike ungdomskulturar. Lytting: Lytting til musikk frå ulike epokar, sjangrar og stilartar. Samtale,

Mønsterplanen 1985 · nynorsk s. 241 skann 243

Siter