Mønsterplanen 1985 · nynorsk, s. 238 (skann 240)

1.-3. klasse 238 Songar og songleikar: Songar og songleikar frå kulturen til barna og frå andre kulturar. Songar om høgtider, årstider, veret, naturen, tverrfaglege emne. Tradisjonelle barnesongar, songar frå andre barnekulturar, popsongar og andre rytmiske songar. Rim og regler. Kanon. Songar og tekstar elevane lagar sjølv. Leik med røysta: Eksperimentere og improvisere med røyst og klang. Setje lyd til rørsler, handlingar. Lydillustrasjonar med røysta. Lydkomposisjonar i samanheng med røystbruk. 4.-6. klasse Songar og songleikar: Songar og songleikar med tekst frå kvardagen til elevane og frå ulike musikkulturar. Engelske songar parallelt med engelskundervisninga. Tradisjonelle norske songar. Eksperimentering og komponering: Vidare arbeid med lydkomposisjonar for å trene røystbruk, toneplassering, songomfang, røystklang osv. Lydkomposisjonar over emne i andre fag. Vidare arbeid med å setje tekst til melodi og melodi til tekst. Improvisasjon. Samklang: Vidare arbeid med kanonsong. Enkle to- og tre-stemmige songar. Lydeksperiment, improvisering og komponering med samklang som byggjemateriale. 7.-9. klasse. Songar og songdansar: Songar frå ulike musikkulturar. Songar med tekstar som tek opp sider ved kvardagen til elevane. Songar om høgtider, tverrfaglege emne og anna som nemnt under 1.-3. klasse, og som høver for steget. Songar på aktuelle framandspråk. Tradisjonelle norske songar. Songdansar frå andre land. Eksperimentering og komponering: Vidare arbeid med å setje tekst til melodi og melodi til tekst. Lage songar og songdansar ut frå røynsle med nytt kunnskapsstoff. Improvisere i ulike stilar. Vidare arbeid med lydkomposisjonar for å trene røystbruk i akustisk song og mikrofonsong. Samklang: Vidare arbeid med kanonsong. To-, tre- og firstemmige songar i ulike sjangrar. Vidare arbeid med lydeksperimentering, improvisering og komponering med samklang som byggjemateriale. Nyare fleirstemmige vokalkomposisjonar. SPEL Utvikling av speledugleik skal skje ut frå instrument og lærestoff som er tilpassa dei føresetnadene og interessene elevane har. Det vil seie at lærestoffet bør være forankra i den musikkulturelle bakgrunnen til elevane, og at dei kan spele på dei instrumenta dei bruker i fritida. For at elevane skal utvikle speledugleik, er det svært nyttig at skolen samarbeider med musikkskolen eller andre ressursar i det lokale og frivillige musikklivet. I mange tilfelle kan elevane lære seg grunnleggjande speleteknikk gjennom eksperimentering og komponering. Det er viktig at alle elevar får vere med i samspelet, eventuelt ved at dei bruker røysta eller instrument som er enkle å spele på. 1.-3. klasse Leik med instrument: Eksperimentering, improvisering og komponering med «kroppens instrumentarium» og andre instrument. Lydkulissar til opplesing og

Mønsterplanen 1985 · nynorsk s. 238 skann 240

Siter