Mønsterplanen 1985 · nynorsk, s. 207 (skann 209)

207 Ver og klima: Verobservasjonar, bruk av termometer. Fordamping og frysing av vatn. Is og snø. Ulike vertypar. Jordkula: Landskapet på heimstaden og andre stader, stein- og jordtypar. Vatnet - krinsløp og arbeid med jordoverflata. Verdsbiletet: Jorda, sola, månen, dag og natt, tid. Året. Romfart, fantasireiser i verdsrommet. Litt om avstandar og storleikar i det nære verdsrommet. 4.-6. klasse Fysiske fenomen omkring oss: Lyd, støy, musikkinstrument, elektrisitet, lys, spegel, foto, kompass, magnetar. Ver og klima: Registrering av ver, vervarsling. Årsaker til nokre ver- og klimafenomen. Klimatype og levevilkår i andre land, vekstlivsområde. Mennesket - tilpassing til ulike naturtilhøve. Eigenskapar ved luft og vatn. Jordkula: Kart og globus. Litt om det indre av jorda. Jordskorpa, formande krefter, istider. Luftlaget rundt jorda, landskapsformer i andre land. Verdsbiletet: Solsystemet, tyngdekrafta. Romfart. Verdsrommet, det ufatteleg store. Forklaring på årstidsvariasjonar. Alt stoff er bygt opp av svært små partiklar. MATERIALE, REISKAPAR OG TEKNIKK Kvardagen og kulturen vår inneheld mange stoff, ting og apparat som er framstelte av menneske, og er fylt av teknikk. Emnet skal gje kjennskap til denne menneskeskapte omverda. Elevane oppdagar eigenskapar ved tinga gjennom bruk. Dei må verte fortrulege med å nytte enkle apparat og innretningar, og så langt råd er, oppmuntrast til å finne ut korleis dei verkar. Dei må få prøve å lage ting med spesielle eigenskapar eller funksjonar. Elevane må få litt innsikt i den rolla teknologien har spela i omforminga av samfunnet. Etiske spørsmål knytte til ny teknologi kan ha ein viss plass også på barnesteget. 1.-3. klasse Sto/fog materiale: Samle gjenstandar i nærmiljøet, samanlikne eigenskapar som styrke og elastisitet. Om gjenstandane flyt eller søkk. Verktøy og apparat: Bruke enkelt handverktøy eller andre enkle innretningar, diskutere verkemåte. Bruke elektriske apparat. Konstruksjonar: Sjå korleis byggverk i nærleiken er laga. Lage stødige byggverk i klasserommet. Vern mot farar og ulukker: Tryggingsreglar mot brann. Merking og handsaming av visse farlege stoff. 4.-6. klasse Stoff °g materiale: Undersøkje eigenskapar ved stoff og materiale, til dømes styrke, om dei er brennbare, varmeisoleringsevne, om dei leier elektrisitet, om magnetar verkar på dei, nedbryting 0.1. Væsker og gassar. Bruk av ulike stoff, til dømes til farging, rusthindring, medisin. Kjemi i samband med matvarer og elles i dagleglivet. Verktøy og apparat: Elektriske apparat, merking, tryggingsreglar. Kikke inn i vanlege apparat. Verkemåten for til dømes lysbiletapparat og skriftprosjektør. Konstruksjonar: Konstruere og lage noko som fungerer, til dømes enkelt alarmsystem, stødige byggverk med liten materialbruk 0.1.

Mønsterplanen 1985 · nynorsk s. 207 skann 209

Siter