Mønsterplanen 1985 · nynorsk, s. 189 (skann 191)

189 Hovudemne og delemne TEMA Så langt det er råd, bør elevane vere med på å velje tema. Slike val kan vere med på å utvide interessefeltet deira og gje tilknytingspunkt mellom skolen og verda utanfor. Lokalt særpreg, elevinteresser, storsamfunnet og arbeid med emne i andre fag kan vere utgangspunkt for val av tema. På ungdomssteget vil det være naturleg å utvide temaa i retning av storsamfunnet. Temaa kan hentast både frå norske og engelsktalande miljø. På barnesteget er det naturleg å konsentrere emna om situasjonar som elevane kjenner. 4.-6. klasse Vi og andre: Utsjånad. Klede. Alder. Klasseromsspråk, skolemiljø: Rutinar i klasserommet. Fag. Timeplan. Heim og lokalmiljø: Daglegliv. Familie. Rutinar i heimen. Klima. Mat og drikke: Matvarer. Matlaging. Skikkar og tradisjonar. Fritid: Hobbyar. Leike- og aktivitetstilbod. Sport og idrett. Andre kulturelle aktivitetar. Handel og tenester: Pengar, butikkar, bank, post, telefon, politi. 7.-9. klasse Lokalmiljø: By og land spesielle kvalitetar. Nyhende og aktuelle hendingar. Natur- og miljøvern. Reiseverksemd: Å ta seg fram i utlandet. Å hjelpe utlendingar i Noreg. Utdanning og yrke: Ulike utdanningsvegar. Arbeidsliv. Næringsverksemd. Tilhøve til andre: Vennskap, konfliktar, ansvar og plikter. Verda i større samanheng: Forhold mellom nasjonar, kulturutveksling, felles samfunnsproblem, internasjonalt arbeid. KJENNSKAP TIL DEN ENGELSKTALANDE VERDA Det er språk og kultur i England (Storbritannia) som har vore og framleis er utgangspunktet for engelskundervisninga i Noreg. Men elevane må og få kjennskap til den plassen engelsk har i verda elles. Dei skal få vite kvar engelsk er nasjonalspråk, fellesspråk og minoritetsspråk. Kunnskap i engelsk har mykje å seie for kva utsikter elevane kan ha i utdanning og arbeidsliv. Dei må få kjennskap til samfunnsområde der engelsk vert brukt i og utanfor Noreg. Litteratur, songar og dikt kan gje både kunnskapar og oppleving. Det er viktig at elevane så tidleg som råd får arbeide med autentisk stoff. Elevane skal få høyre døme på ulik uttale av det engelske språket. Når elevane lærer om forhold i andre land, er det naturleg å samarbeide over faggrensene. Det kan ein gjere ved å samordne undervisninga om eit emne i fleire fag, eller ved at stoff og arbeidsmåtar frå andre fag vert brukte i engelsktimane. I engelskundervisninga må ein utnytte høve som familien til elevane og lokalmiljøet byr på (engelsktalande i klassen, ekskursjonar osv.). 4.-6. klasse Menneske i engelsktalande land: Daglegliv. Leik og arbeid, skolegang og fritid for barn.

Mønsterplanen 1985 · nynorsk s. 189 skann 191

Siter