Mønsterplanen 1985 · nynorsk, s. 185 (skann 187)

185 Uttrykk og formlar: Enkle øvingar med bokstavar som symbol for tal, og innsetjing av tal for bokstavar. Funksjonsomgrepet: Innføring gjennom praktiske døme. Koordinatsystemet i fyrste kvadrant. 7.-9. klasse Koordinatsystemet. Forenkling og utrekning av uttrykk: Parentesreglar. Funksjonsomgrepet: Grafisk framstelling av funksjonar. Variabelomgrepet. Likning av fyrste grad med ein ukjend: Oppstilling. Løysings metode. Likning av fyrste grad med to ukjende: Oppstilling og løysing. Hovudvekta må leggjast på løysing ved bruk av grafisk framstelling. Kvadratiske likningar med ein ukjend utan fyrstegradsledd: Innføring av ulike løysingsmetodar: grafisk løysing, algebraisk løysing og løysing ved bruk av tilnærmingsmetodar. Lineære funksjonar, proporsjonalitet, omvend proporsjonalitet. DATALÆRE Datateknologi vert brukt innanfor bruksmatematikk og teoretisk matematikk og får konsekvensar for kva lærestoff og metodar ein skal velje. Elevane bør møte datateknologien i matematikkopplæringa i skolen fyrst og fremst gjennom formulering av løysingsmetodar som høver til bruk av datamaskin. Datalære i matematikk tek utgangspunkt i algoritmeomgrepet og må knytast nært til hovudemnet problemløysing. Elevane må få kjennskap til datamaskinen som ein reiskap styrt av menneske. I arbeidet med datalære er lommereknaren eit nyttig hjelpemiddel. 1.-3. og 4.-6. klasse Arbeid med ulike løysingsmetodar for enkle problem: Løysingsmetodane vert formulerte i vanleg språk. 7.-9. klasse Data og informasjon: Tolking av data og trening i å dra ut informasjon. Arbeid med kjende algoritmar frå nærmiljøet til elevane og frå andre emne i matematikk: Oppskrifter, bruksrettleiingar, formlar. Algoritmar som høver til datamaskinbruk: Innføring av algoritmar til løysing av kjende oppgåver som utrekning av areal, løysing av likningar. Tilnærmingsmetodar. Simulering. Algoritmar for bruk av lommereknar.

Mønsterplanen 1985 · nynorsk s. 185 skann 187

Siter