Mønsterplanen 1985 · nynorsk, s. 170 (skann 172)

170 samfunnet, og å hjelpe dei til deltaking i og vidareutvikling av dei sidene ved minoritetskulturane som kjem til uttrykk gjennom norsk språk. Mål Undervisninga i norsk som andrespråk skal ta sikte på å gje elevane den munnlege og skriftlege dugleiken dei treng for å kunne følgje fagundervisninga på sitt eige alderssteg når ho vert gjeven på norsk å gje elevane den språklege dugleiken dei treng for å få sosial kontakt med norsktalande, og for å kunne vere med i norsk arbeids-, samfunns- og kulturliv - å gje elevane kunnskapar som kan gje auka forståing for både minoritetskulturar og majoritetskulturen i Noreg å gje elevane sjanse til å lese litteratur som kan gje innsyn, identifikasjon og oppleving å gje elevane kunnskapar om oppbygginga av det norske språket og om den norske språksituasjonen Lærestoff og progresjon Fagplanen for norsk som andrespråk legg meir vekt på integrering med andre fag enn fagplanen i norsk for elevar med norsk som morsmål. Grunnen til at det er lagt stor vekt på integrering mellom norsk og andre fag, er: Ei utbygging av ordtilfanget og den språklege dugleiken som fører til at eleven kan ha utbyte av fagundervisning på norsk, vil føre til at eleven og lærer meir norsk i dei andre faga. Utviklinga av kreative språklege evner vil eleven og kunne arbeide med innanfor morsmålet, og det er rimeleg at denne dugleiken får større plass der enn i norsk som andrespråk. Elevane må få hjelp til å bruke norsk i dagleglivet og til å vere med i fagundervisning på norsk. Dei må få hjelp til uttaletrening om dei treng det. I arbeidet med norsk som andrespråk må læraren heile tida ta omsyn til heile fagopplæringa eleven skal ha på det aktuelle alderssteget og seinare. Derfor bør ein dei fyrste åra (1.-3. klasse) leggje stor vekt på den grunnleggjande dugleiken i lesing og skriving som elevane vil ha bruk for når dei skal bruke språket for å vinne kunnskapar, til dømes i orienteringsfag. I 4. 6. klasse bør det leggjast vekt på å utvide ordtilfanget, slik at elevane kan kome inn i dei nye fagområda på desse klassestega. I 7.-9. klasse vert hovudvekta lagd på større innsyn i det norske samfunnet og på den dugleiken elevane vil ha bruk for i vidare skolegang. Litteraturen skal, akkurat som for norske elevar, mellom anna gje elevane høve til å kjenne seg att, og auke forståinga for deira eigen sosiale og kulturelle situasjon. Dessutan skal han gje dei kunstnarleg oppleving. Litteraturutvalet i norsk som andrespråk må dels vere eit anna enn for dei elevane som har norsk kulturell bakgrunn, og emne som migrasjon, minoritetar og samfunn med språkleg og etnisk variasjon vil vere meir sentrale og kome inn med større tyngd enn for elevar med norsk som morsmål.

Mønsterplanen 1985 · nynorsk s. 170 skann 172

Siter