Mønsterplanen 1985 · nynorsk, s. 139 (skann 141)

139 Hovudemne og delemne GRUNNLEGGJANDE LESE- OG SKRIVEOPPLÆRING Opplæringa skal gje elevane lyst og motivasjon til å snakke, lese og skrive. Undervisninga skal - byggje på det språket og dei røynslene elevane har - utvikle eit positivt sjølvbilete og språkleg sjølvtillit - ta vare på og stimulere forteljargleda og leselysta til elevane - fremje eit aktivt tilhøve mellom munnleg og skriftleg språkbruk Grunnleggjande lese- og skriveopplæring høyrer vanlegvis til småskolen, men bør halde fram så lenge den einskilde eleven har behov for det. Dei vanlege metodane i byrjaropplæringa kan leggjast til grunn for undervisninga. 1.-3. klasse Munnleg språk: Venje seg til skolesituasjonen, samvære med andre. Venje seg til å lytte, sjå, oppfatte og følgje med. Leike, dramatisere, syngje, joike. Fortelje og samtale. Leseopplæring: Språkleg førebuing til lese- og skriveopplæringa. Lære lydbilete, lese, skrive. Lære ord, uttrykk. Skriving: Skriveførebuing, venje seg til å bruke skrivereiskapar. Øve koordinering av auga og hand. Lese- og skriveretning. Bokstavformer, øve seg i å skrive, fortelje, dikte o.a. Litteratur: Arbeide med forteljingar 0.1. Bruke både munnlege og skriftlege kjelder. Språkrøkt: Gjensidig informasjon mellom skole og heim. Denne kontakten bør byggje på samisk dersom elevane har samisk som fyrstespråk på skolen. 4.-9. klasse Halde fram med lese- og skrivetrening for dei som treng det. Tekstar og språksituasjonar må avpassast etter alderssteget. MUNNLEG BRUK AV SPRÅKET Munnleg bruk av språket vert utvikla og utvida ved at eleven kan uttrykkje tankane, meiningane og kjenslene sine gjennom ord. Skolen skal stimulere elevane til å samtale med kvarandre og fortelje for kvarandre. Samtale er til dagleg den vanlegaste måten å bruke språket på. Læraren skal vere ein samtalepartner som gjev tillit og tryggleik, og etter rettleiing frå læraren skal elevane - bruke talespråket i varierte og meiningsfylte samanhengar - venje seg til å høyre ulike talemåtar - framføre varierte tekstar, både eigne og andre sine tekstar - bruke varierte munnlege uttrykksmåtar som gjev røynsle og innsikt i språklege verkemiddel

Mønsterplanen 1985 · nynorsk s. 139 skann 141

Siter