Mønsterplanen 1985 · nynorsk, s. 104 (skann 106)

4.-6. klasse 104 Samlivslære: Å leve saman i familie, ekteskapet, ulike familieformer, oppløysing av samliv, kontakt og samarbeid mellom generasjonane, omsorg i familien, plikter og ansvar, tilhøvet mellom kjønna. Puberteten. Aktuelle bibeltekstar, boda. Samspel og samarbeid mellom menneske: I lokalmiljøet, i storsamfunnet og i verdssamfunnet. Fredsarbeid, menneskerettane, vern om liv. Korleis motverke nedbrytande krefter og vald. Organisasjonsarbeid, praktisk og kulturelt arbeid. Respekt og toleranse: Likeverd, jamstelling, respekt for ulike menneske. Solidaritet, menneskeverd, minoritetar. Aktuelle eksempel frå Bibelen og annan litteratur. 7.-9. klasse Samlivslære: Ungdom, ansvar, truskap, likeverd og jamstelling, seksualliv, ekteskap, ulike samlivsformer, oppløysing av samliv, å leve einsleg, foreldre og barn, generasjonane, slekt og venner. Aktuelle bibeltekstar, boda. Ansvar for fellesskapet: Arbeid, rettar og plikter, arbeidsliv, jamstelling, arbeidsløyse, solidaritet, fredsarbeid, humanitært og politisk arbeid, kristent arbeid i samfunnslivet, i kunst og kultur, praktisk og kulturelt arbeid. Vern om liv: Menneskeverdet, abortspørsmålet, vurdering av tekniske og medisinske nyvinningar, natur- og miljøvern, ressursforvaltning, krig og forsvar. Menneskerettane: Menneskerettsfråsegna, humanitært arbeid, raseproblem, minoritetar, arbeid for rettferd og fred i verda. Aktuelle bibeltekstar og annan litteratur. ANDRE RELIGIONAR OG LIVSSYN Emnet skal gje kunnskap om ulike religionar og livssyn, og korleis dei kjem til uttrykk i høgtid og kvardag. Hovudansvaret for sjølve innføringa og orienteringa om andre religionar og livssyn ligg til samfunnsfag. I kristendomsundervisninga må vekta liggje på møtet mellom kristendommen og ulike religionar og livssyn, for å få fram både grunnleggjande skilnader og fellesverdiar. Sentralt i denne samanhengen er gudsbiletet, menneskesynet, etikk og frelseveg. Undervisninga skal hjelpe elevane til å kunne leve saman med og respektere menneske som har ei anna tru. Kunnskap om og innsikt i livssynet og trua til andre menneske er ein viktig føresetnad for å vise respekt og toleranse. Det er viktig å syne kva verdi tru og livssyn har for eit menneske, og få fram at toleranse ikkje vil seie å gje opp si eiga overtyding. Undervisninga skal vere sakleg og allsidig, og personar i lokalmiljøet bør få presentere sitt livssyn eller si tru for elevane på dei øvste klassestega. 1.-3. klasse Menneske med anna tru: Livssyn og trusretningar i lokalsamfunnet, skikkar ved fødsel og namngjeving, høgtider. 4.-6. klasse Ulike religionar og livssyn: Presentasjon av eit utval med vekt på gudsbilete og etikk. Uttrykksformer: Symbol, skikkar i helg og kvardag, livsritar. Toleranse: Tyding av ordet, konkrete eksempel på intoleranse, korleis leve saman med menneske som har anna tru eller livssyn.

Mønsterplanen 1985 · nynorsk s. 104 skann 106

Siter