Mønsterplanen 1985 · nynorsk, s. 102 (skann 104)

1.-3. klasse 102 Pinse: Pinsedagen, den fyrste kyrkjelyden, pinse som fødselsdagen til kyrkja. Lokal kyrkjesoge: Personar, hendingar, kyrkjebygg. Misjon: Misjonsland, misjonærar, misjonsforteljingar, hjelpearbeid. 4.-6. klasse Pinse: Den Heilage Ande, hendingar og verknad. Feiring før og no. Den tredje trusartikkelen. Kyrkja i oldtida: Urkyrkja og Paulus, martyrkyrkja, rikskyrkja. Kyrkja i mellomalderen: Kyrkje- og kristenliv i helg og kvardag, klosterliv, kunst og kultur. Strid mellom kyrkjeleg og verdsleg makt. Reformasjonen. Kristendommen kjem til Noreg: Tru og liv i vikingtida, kristningsarbeidet, kyrkjeog kristenliv, lokal kyrkjesoge. Kristninga av samane. Misjon: Det bibelske grunnlaget. Kyrkje og misjon, misjon og hjelpearbeid, barn i andre land, verdsmisjon. 7.-9. klasse Reformasjonen: Bakgrunn og utvikling. Martin Luther, reformasjonen i Noreg. Norsk kyrkje- og kristenliv etter reformasjonen: Petter Dass. Pietisme, rasjonalisme. Salmediktarar og salmebøker. Hans Nielsen Hauge, vekkingar og lekmannsrørsler. Lars Levi Læstadius og læstadianismen. Liberal teologi. Misjon: Pionermisjon, norsk misjonssoge, norske misjonsorganisasjonar. Misjonen i møte med andre kulturar og religionar, misjon i dag. Medium og misjonsblad. Kristendommen i vår tid: Kristne organisasjonar, kristne trussamfunn, ulike teologiske retningar, den økumeniske rørsla, den karismatiske rørsla. Kvinnene og kyrkja. Kristen song og musikk. Kyrkja og kulturen, sekularisering. Ansvar og oppgåver for kyrkja i samfunnet. DU OG EG Emnet skal formidle kunnskap om og forståing for det ansvaret mennesket har for seg sjølv og medmenneska sine. Eleven må lære kva det vil seie å vere sann, ærleg, påliteleg, ansvarleg og rettferdig, og kva det vil seie å vise nestekjærleik og solidaritet i praksis. Desse verdiane saman med likeverd, respekt og toleranse er avgjerande for eit godt samspel mellom menneske. Det er viktig at elevane får kunnskap om og forståing for norm- og verdigrunnlaget i Bibelen. Bergpreika, særleg nestekjærleiksbodet og den gylne regelen, dei ti boda og døme frå Jesu liv og lære står sentralt her. I arbeidet med dette emnet må etiske spørsmål generelt og spørsmål som er aktuelle for elevane, takast opp. Dei etiske spørsmåla må knytast til elevane sin kvardag og deira opplevingar. Det er særleg viktig at det er samsvar mellom det elevane lærer, og måten dei lærer det på. Elevane må få praktisere omsorg, ta ansvar og vise respekt for andre. Emnet har nær samanheng med andre hovudemne. 1.-3. klasse Rett og gale: Ærlegdom, ditt og mitt, sanning og løgn, samvitet, ansvar for eigne handlingar. Positiv og negativ påverknad frå ulike hald. Nestekjærleik: Nestekjærleiksbodet, aktuelle døme frå Bibelen, rettferd. Praktiske oppgåver.

Mønsterplanen 1985 · nynorsk s. 102 skann 104

Siter