Mønsterplanen 1985 · nynorsk, s. 101 (skann 103)

omsorgsarbeid og praktisk hjelpearbeid. Den tredje trusartikkelen er sentral i dette emnet. 1.-3. klasse 101 Kyrkjekunnskap: Kyrkjer, andre gudshus, arkitektur. Gudsteneste, dåp. Kyrkje året. Livet i kyrkjelyden på heimstaden: Helg og høgtid. Foreiningar, klubbar, lag for barn, andre kristne trussamfunn, hjelpearbeid, misjon. 4.-6. klasse Kyrkjekunnskap: Kyrkjer og bedehus før og no, arkitektur, symbol, kunst, musikk. Kyrkjeåret. Tilsette i kyrkja, ulike tenester. Lokal kyrkjesoge. Kyrkjelege handlingar: Dåp, konfirmasjon, nattverd, gravferd. Kyrkja i funksjon: Den Heilage Ande i kyrkjelyden, gudstenestelivet, bønn, song og musikk. Oppgåver, diakoni, misjon, u-hjelp. Ulike kristne trussamfunn: Gudshus, arkitektur og symbol, ulike gudstenesteformer, kyrkjelege handlingar, livsritar, aktivitetar i og utanfor kyrkjelyden, song og musikk, misjon. 7.-9. klasse Kyrkjekunnskap: Kyrkjeleg inndeling, ordningar i kyrkja, lokal kyrkjesoge, kyrkjegarden, kunst, song, musikk, kristne symbol. Kyrkjeåret, helg og høgtid før og no. Kyrkjelyden: Den Heilage Ande i funksjon, kyrkjeleg undervisning, foreiningar og lag for ungdom, diakoni, misjonsforeiningar. Gudsteneste og kyrkjelege handlingar: Oppbygging og hovudledd i gudstenesta, sakramenta, konfirmasjon, vigsel, gravferd. Ulike kristne trussamfunn: Trussamfunn i Noreg med vekt på dei som er i lokalmiljøet. Bakgrunn og soge, lære, gudstenesteformer, song og musikk, omsorgsarbeid, engasjement i og utanfor lokalmiljøet, misjonsverksemd. KYRKJA GJENNOM TIDENE Emnet skal gje kunnskap om kyrkja si utvikling frå oldkyrkja til i dag. Siktemålet med arbeidet må vere å syne kyrkja i funksjon. Vekta må leggjast på utvalde epokar og linjer, og på personar som står for ein viktig periode. Den innverknaden kyrkje og kristendom har hatt og har på kunst, litteratur og vitskap, må kome fram, og likeins det tru og kyrkje har hatt å seie for folk i dagleglivet. Det er viktig at emne frå misjonssoga og misjonen i dag vert tekne opp. Det må leggjast vekt på lokal kyrkjesoge. Undervisninga må få fram både positive og negative sider ved kyrkja og den innverknaden ho har hatt og har. Samtidig er det viktig at elevane lærer å sjå og vurdere desse sidene ut frå den aktuelle samtida som også kyrkja er ein del av. Både menns og kvinners innsats må understrekast. I arbeidet med emnet bør elevane få møte ein del lærestoff ved å gå til kjeldestoff frå kyrkjesoga. Dette emnet bør samordnast med orienteringsfag og samfunnsfag. Undervisninga må leggje vekt på å gje oversyn og vise samanhengar i kyrkjesoga. I dette emnet står og den tredje trusartikkelen sentralt.

Mønsterplanen 1985 · nynorsk s. 101 skann 103

Siter